(ພາບປະກອບ)
(vovworld) - ບັນດາມະຫາວິທະຍາໄລ, ວິທະຍາໄລ ແລະ ໂຮງຮຽນວິຊາຊີບຊັ້ນກາງໃນທົ່ວປະເທດພວມຈັດໃຫ້ນັກສຶກສາ, ນັກຮຽນ ປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ ແລະ ໄດ້ຮັບຄຳເຫັນສຸດອົກສຸດໃຈຈາກຫຼາຍຄົນ. ນັກສຶກສາສ່ວນຫຼາຍ ໄດ້ເຫັນດີວ່າເລື່ອງປັບປຸງລັດຖະທຳມະນູນປີ 1992 ແມ່ນຈຳເປັນເພື່ອເໝາະສົມກັບສະພາບການຂອງປະເທດຊາດ ແລະ ທ່າອ່ຽງພັດທະນາໃນໂລກ. ບັນດານັກສຶກສາ ໄດ້ເນັ້ນໜັກວ່າຕ້ອງເຮັດແຈ້ງບາງຂໍ້ມາດຕາໃນຮ່າງລັດຖະທຳມະນູນສະບັບປັບປຸງ. ນັກສຶກສາ ເຈີນທິເກີມຕູ໋, ມະຫາວິທະຍາໄລເສດຖະກິດເຕັກນິກ ບິ່ງເຢືອງ ໃຫ້ຮູ້ວ່າ.
“ໃນຮ່າງລັດຖະທຳມະນູນສະບັບປັບປຸງ ໄດ້ລະບຸວ່າ “ເດັກນ້ອຍມີສິດໄດ້ຮັບຄວາມເບິ່ງແຍງດູແລ, ປົກປ້ອງ ແລະ ສຶກສາ ຈາກໂຮງຮຽນ, ຄອບຄົວ, ລັດ ແລະ ສັງຄົມ”. ຕາມນ້ອງແລ້ວ, ຍັງບໍ່ທັນພໍ, ບໍ່ທັນເວົ້າແຈ້ງສິດຜົນປະໂຫຍດຂອງເດັກນ້ອຍເທື່ອ. ນ້ອງຄິດວ່າຕ້ອງຂຽນວ່າ“ຕ້ອງຮັບປະກັນໃຫ້ເດັກນ້ອຍເຖິງເກັ່ນອາຍຸໄປຮຽນ ຕ້ອງໄດ້ໄປຮຽນຢ່າງຄົບຖ້ວນ”.
ກ່ຽວກັບບັນດາເນື້ອໃນທີ່ກ່ຽວຂ້ອງເຖິງ “ສິດທິມະນຸດ, ສິດ ແລະ ພັນທະຂອງພົນລະເມືອງ” ແລະ “ກົງຈັກລັດ”. ນັກສຶກສາ ຫງວຽນທາຍເຕື່ອງວີ, ມະຫາວິທະຍາໄລ ທຸເຢົາໝົດ, ແຂວງ ບິ່ງເຢືອງ ສະເໜີວ່າ.
“ໃນມາດຕາ 18 ໄດ້ລະບຸວ່າ; “ລັດ ສສ ຫວຽດນາມ ປົກປ້ອງພົນລະເມືອງຫວຽດນາມ ຢູ່ຕ່າງປະເທດ”, ນ້ອງຄິດວ່າ ບໍ່ພຽງແຕ່ພົນລະເມືອງຫວຽດນາມ ທີ່ອາໄສຢູ່ຕ່າງປະເທດເທົ່ານັ້ນ ຫາກຍັງຊາວ ຫວຽດນາມ ອາໄສຢູ່ພາຍໃນປະເທດກໍຕ້ອງໄດ້ຮັບການປົກປ້ອງອີກດ້ວຍ. ສ່ວນມາດຕາ 34 “ທຸກໆຄົນລວນແຕ່ມີສິດເສລີໃນການດຳເນີນທຸລະກິດ”, ຕາມນ້ອງແລ້ວ ມີສິນຄ້າບາງປະເທດ ແລະ ຂະແໜງການຈຳນວນໜຶ່ງແມ່ນບໍ່ຖືກກັບກົດໝາຍ ນ້ອງຄິດວ່າ ຄວນປັບປຸງວ່າ “ທຸກໆຄົນລ້ວນແຕ່ມີສິດເສລີໃນການດຳເນີນທຸລະກິດບັນດາຜະລິດຕະພັນທີ່ຖືກຕາມກົດໝາຍ”.