(ພາບ:pda.vietbao.vn)
(vovworld)- ບົດບາດຂອງຫວຽດນາມ ແລະ ທ່ານນາຍົກລັດຖະມົນຕີຫງວຽນເຕິນຢຸງ ໃນຖານະແມ່ນນັກປະຖະກະຖາຕົ້ນຕໍໃນພິທີໄຂກອງປະຊຸມ Shangri-La 2013 ຄັ້ງທີ 12 ຫາກໍ່ດຳເນີນໄປຢູ່ສິງກະໂປ ສືບຕໍ່ໄດ້ຮັບການຕີລາຄາສູງຈາກຫາງສຽງ. ສາດສະດາຈານ Son Gi-woong ສະຖານບັນຄົ້ນຄ້ວາເອກະພາບ ສເກົາຫຼີ ຖືວ່າ: ຄຳນິຍາມກ່ຽວກັບ “ຄວາມໄວ້ເນື້ອເຊື່ອໃຈຍຸດທະສາດ” ທີ່ທ່ານນາຍົກລັດຖະມົນຕີຫງວຽນເຕິນຢຸງ ເວົ້ານັ້ນ ໄດ້ເຕື້ອງເຖິງຄວາມໄວ້ເນື້ອເຊື່ອໃຈ ແລະ ການຮ່ວມມືລະຫວ່າງປະເທດຕ່າງໆເພື່ອຫລຸດຜ່ອນຄວາມບໍ່ລົງລອຍກັນ, ພ້ອມກັນສ້າງພື້ນຖານສັນຕິພາບ ແລະ ສະຖຽນລະພາບໃນພາກພື້ນ. ສາດສະດາຈານ Son Gi-woong ກໍ່ເຫັນດີເຫັນພ້ອມກັບທັດສະນະຊື່ງທ່ານນາຍົກລັດຖະມົນຕີຫງວຽນເຕິນຢຸງ ຍົກອອກມາກ່ຽວກັບ “ບົດບາດຂອງບັນດາປະເທດມະຫາອຳນາດຕໍ່ສັນຕິພາບ, ສະຖຽນລະພາບໃນພາກພື້ນ” ແລະ ຖືວ່າ “ຍຸດທະສາດ ແລະ ການກະທຳຂອງບັນດາປະເທດມະຫາອຳນາດທີ່ມີຕໍ່ພາກພື້ນຕ້ອງປະຕິບັດຕາມກົດໝາຍສາກົນ, ເຄົາລົບນັບຖືຄວາມເປັນເອກະລາດ ອະທິປະໄຕຂອງປະເທດອື່ນ”. ເມື່ອເຕື້ອງເຖິງບັນດາບັນຫາເຄັ່ງຮ້ອນໃນປະຈຸບັນຢູ່ທະເລຕາເວັນອອກ, ສາດສະດາຈານ Son Gi-woong ຖືວ່າ: ຄວາມເສລີດ້ານການເດີນທະເລຢູ່ທະເລຕາເວັນອອກ ແມ່ນປັດໄຈສຳຄັນເພື່ອຮັບປະກັນສະຖຽນລະພາບໃນພາກພື້ນ. ສະນັ້ນ, ການແກ້ໄຂທຸກໆການພິພາດກັນຜ່ານກົດໝາຍສາກົນ ແລະ ການຮ່ວມມືລະຫວ່າງບັນດາປະເທດ ຄືຄຳກ່າວປາໄສຂອງທ່ານນາຍົກລັດຖະມົນຕີຫງວຽນເຕິນຢຸງ ແນ່ນອນວ່າຈະນຳມາເຊິງສັນຕິພາບ ແລະ ສະຖຽນລະພາບໃນພາກພື້ນນີ້.