ນະຄອນໂຮ່ຈິມິນ: ຖະໜົນດອກໄມ້, ຖະໜົນປື້ມບຸນເຕັດປີມະແມດ້ວຍສີສັນຫຼາກຫຼາຍ ແລະ ຟົດຟື້ນມ່ວນຊື່ນ
(ຖະໜົນດອກໄມ)
(vovworld) – ຕອນຄໍ່າວັນທີ 16/02, ງານບຸນຖະໜົນດອກໄມ້ ຖືກໄຂຂຶ້ນຢູ່ຖະໜົນ ຮ່າມງີ, ເມືອງ 1, ນະຄອນໂຮ່ຈິມິນ. ດ້ວຍຫົວຂໍ້ວ່າ “ສີສັນຫວຽດ - ຄວາມອົງອາດຫວຽດນາມ”, ໄດ້ວາດພາບເຖິງການອອກແຮງງານ, ມູນເຊື້ອຮັກຊາດ, ຄວາມຫວັງໄດ້ຮັບສັນຕິຕາບ, ການພັດທະນາ, ວັດຖະນາຖາວອນຂອງນະຄອນໂຮ່ຈິມິນ ເວົ້າສະເພາະ ແລະ ທົ່ວປະເທດເວົ້າລວມ. ຜ່ານນັ້ນ, ຖະໜົນດອກໄມ້ກໍ່ສົ່ງສານຂອງຊາວຫວຽດນາມ ທີ່ອົງອາດກ້າຫານ, ບໍ່ຍ້ອມຈຳນົນ, ຜ່ານຜ່າທຸກສິ່ງທຸກຢ່າງ, ເສີມຂະຫຍາຍສີສັນວັດທະນະທຳຂອງຊາດ, ເຊື່ອມໂຍງເຂົ້າກັບສາກົນ.
ແລະກໍ່ໃນວັນດຽວກັນ, ຢູ່ນະຄອນໂຮ່ຈິມິນ ກໍ່ໄດ້ໄຂງານບຸນຖະໜົນປື້ມບຸນເຕັດປີມະແມ ດ້ວຍຫົວຂໍ້ວ່າ “ສີສັນຫວຽດ - ຄວາມອົງອາດຫວຽດນາມ”. ງານບຸນໄດ້ແນະນຳປື້ມ 15.000 ກວ່າຫົວ ເຊິ່ງແບ່ງເປັນ 4 ຫົວຂໍ້ຄື: ຂີດໝາຍປະຫວັດສາດ - ໄຂຊ່ອນ - ນະຄອນໂຮ່ຈິມິນ; ຄວາມເອກອ້າງຖະນົງໃຈ - ຊາວນະຄອນທີ່ໃສ່ຊື່ປະທານໂຮ່ຈິມິນ; ເຂດທະເລ, ໝູ່ເກາະທີ່ສັກກະລະບູຊາ; ນະຄອນເຊື່ອມໂຍງ. ງານບຸນທັງ 2 ນີ້ ດຳເນີນຮອດວັນທີ 22/02 ຈຶ່ງຈະອັດລົງ.