ທ່ານເຮືອງ້ອກທ້ວນ ຮອງປະທານຄະນະກຳມະການປະຊາຊົນ
ນະຄອນ ໂຮ່ຈີມິນ ກ່າວຄຳເຫັນທີ່ກອງປະຊຸມ
(ພາບ: tuoitre.vn)
(vovworld) – ວັນທີ 24/9, ຄະນະກຳມະການປະຊາຊົນນະຄອນ ໂຮ່ຈີມິນ ສົມທົບກັບກອງທຶນສະຫະປະຊາຊາດເພື່ອເດັກນ້ອຍ ປະຈຳ ຫວຽດນາມ (Unicef) ຈັດຕັ້ງກອງປະຊຸມໂຕະມົນຂັ້ນສູງ ກະກຽມໃຫ້ການປະຕິບັດຂໍ້ລິເລີ່ມນະຄອນໃກ້ຊິດສະໜິດສະໜົມກັບສິ່ງແວດລ້ອມ. ນີ້ແມ່ນໜຶ່ງໃນບັນດາເຫດການສະເຫຼີມສະຫຼອງ 40 ປີແຫ່ງວັນການຮ່ວມມື ຫວຽດນາມ ແລະ Unicef. ຂໍ້ລິເລີ່ມນະຄອນໃກ້ຊິສະໜິດສະໜົມກັບເດັກໄດ້ຮັບການກໍ່ສ້າງ ເພື່ອແນໃສ່ປົວແປງຄຸນນະພາບຊີວິດການເປັນຢູ່ໃຫ້ແກ່ເດັກນ້ອຍ, ຊ່ວຍບັນດາເດັກນ້ອຍທີ່ມັກຖືກສ່ຽງໄພສູງກວ່າເພິ່ນສຳຜັດກັບບັນດາການບໍລິການພື້ນຖານ ແລະ ການເຄື່ອນໄຫວສົງເຄາະສັງຄົມ. ຂໍ້ລິເລີ່ມສ້າງພື້ນຖານໃຫ້ນະຄອນ ໂຮ່ຈີມິນ ກາຍເປັນນະຄອນທີ່ໃກ້ຊິດສະໜິດສະໜົມກັບເດັກນ້ອຍແຫ່ງທຳອິດຂອງ ຫວຽດນາມ, ຊຸກຍູ້ບັນດາອົງການຈັດຕັ້ງການເມືອງສັງຄົມ, ປະຊາຄົມ, ວິສາຫະກິດ, ອົງການຈັດຕັ້ງສາກົນຕ່າງໆ ໜູນຊ່ວຍປັບປຸງຊີວິດການເປັນຢູ່ໃຫ້ເດັກນ້ອຍທຸກຍາກ ແລະ ເດັກນ້ອຍທີ່ມີໄພຖືກສວຍໃຊ້ ແລະ ຖືກກົດຂີ່ຂູດຮີດ.