(vovworld) -ວັນທີ 21/5, ທ່ານນາຍົກລັດຖະມົນຕີຫງວຽນເຕິນຢຸງ ແລະ ຄະນະຜູ້ແທນຫວຽດນາມ ໄດ້ມາຮອດນະຄອນຫຼວງມານີລາ ປະເທດຟີລິບປິນ ເຂົ້າຮ່ວມເວລທີປາໄສເສດຖະກິດໂລກກ່ຽວກັບອາຊີຕາເວັນອອກ 2014, ຢ້ຽມຢາມ ແລະ ເຮັດວຽກຢູ່ ຟີລິບປິນ ແຕ່ວັນທີ 21-22/5.
ຕອນບ່າຍຂອງວັນທີ 21/5, ທ່ານນາຍົກລັດຖະມົນຕີຫງວຽນເຕິນຢຸງ ໄດ້ໄປວາງພວງມາລາຢູ່ອະນຸສາວະລີປະທານໂຮ່ຈິມິນທີ່ສວນສາທາລະນະອາຊຽນ Intramuros Manila, ປະທານາທິບໍດີ ຟີລິບປິນ Benigino A.Aquino III ເປັນປະທານພິທີຕ້ອນຮັບທ່ານນາຍົກລັດຖະມົນຕີຫງວຽນເຕິນຢຸງ ຢູ່ທຳນຽບປະທານາ ທິບໍດີ. ການນຳສອງທ່ານດຳເນີນການເຈລະຈາ, ແລກປ່ຽນການກກຳນົດທິດ ແລະ ເອກະພາບບັນດາມາດຕະການລະອຽດເພື່ອແນໃສ່ຍູ້ແຮງການຮ່ວມມືລະຫວ່າງຫວຽດນາມ-ຟີລິບປິນ, ໂດຍສະເພາະແມ່ນໃນບັນດາຂົງເຂດລະອຽດໃນໂຄງການດຳເນີນງານໄລຍະ 2011-2016 ຊື່ງສອງຝ່າຍໄດ້ລົງນາມແລ້ວ, ພິເສດແມ່ນຊຸກຍູ້ການຮ່ວມມືດ້ານເສດຖະກິດ, ການຄ້າ, ການສົ່ງອອກເຂົ້າສານ, ຜະລິດຕະພັນກະເສດ….ຍູ້ແຮງການຮ່ວມມືດ້ານການສຶກສາ, ວັດທະນະທຳ,ກິລາ ແລະ ການທ່ອງ ທ່ຽວ…. ທ່ານນາຍົກລັດຖະມົນຕີຫງວຽນເຕິນຢຸງ ແລະ ປະທານາທິບໍດີ ຟີລິບປິນ Benigino A.Aquino III ຍັງສຸມໃສ່ແລກປ່ຽນບັນດາບັນຫາພາກພື້ນ ແລະ ສາກົນທີ່ຕ່າງຝ່າຍຕ່າງມີຄວາມສົນໃຈ, ໃນນັ້ນພົ້ນເດັ່ນແມ່ນສະພາບການສັບສົນຢູ່ທະເລຕາເວັນອອກ./.