(vovworld) – ຕອນເຊົ້າວັນທີ 07/08, ຢູ່ດ່ານັ້ງ, ກະຊວງແຜນການ ແລະ ການລົງທຶນຫວຽດນາມ ໄດ້ຈັດກອງປະຊຸມຂະແໜງແຜນການ ແລະ ການລົງທຶນທົ່ວປະເທດ ປີ 2014. ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ເຂົ້າຮ່ວມ ແລະ ເປັນປະທານກອງປະຊຸມ.
ກ່າວຄຳເຫັນໄຂກອງປະຊຸມ, ທ່ານລັດຖະມົນຕີກະຊວງແຜນການ ແລະ ການລົງທຶນຫວຽດນາມ ບຸຍກວາງວິງ ຊີ້ແຈ້ງວ່າ ສະພາແຫ່ງຊາດຫາກໍ່ໄດ້ຮັບຮອງເອົາກົດໝາຍວ່າດ້ວຍການລົງທຶນພາກລັດ. ນີແມ່ນບາດກ້າວຫັນປ່ຽນສຳຄັນ, ນຳວຽກງານວາງແຜນການ ແລະ ລົງທຶນຂອງປະເທດຊາດໃຫ້ມີລະບຽບ. ເລື່ອງຫັນປ່ຽນວຽກງານຈາກແຜນການປະຈຳປີ ຫັນເປັນແຜນການ 5 ປີ ຈະຮັບປະກັນລັກສະນະມັດທະຍັດ, ຍາວນານຂອງການລົງທຶນພາກລັດ, ເໝາະສົມກັບຍຸດທະສາດ… ທ່ານລັດຖະມົນຕີ ບຸຍກວາງວິງ ຖືວ່າ ເລື່ອງຜັນຂະຫຍາຍວຽກງານແຜນການ ແລະ ການລົງທຶນໃນຈຸດເວລາປະຈຸບັນແມ່ນສຳຄັນຍິ່ງ, ປະກອບສ່ວນປະຕິບັດແຜນການພັດທະນາເສດຖະກິດສັງຄົມ 5 ປີໄລຍະ 2016 – 2020 ໃຫ້ບັນລຸຜົນສຳເລັດ. ທ່ານລັດຖະມົນຕີ ບຸຍກວາງວິງ ກ່າວວ່າ.
“ທ້ອງຖິ່ນຕ່າງໆພວມສ້າງບົດລາຍງານການເມືອງ ກໍ່ຄືແຜນການ 5 ປີເພື່ອກະກຽມໃຫ້ກອງປະຊຸມໃຫຍ່ຂອງພັກທຸກຂັ້ນ ໃນປີ 2015 ພ້ອມທັງບັນດາອະນຸກຳມະການເສດຖະກິດ, ອະນຸກຳມະການເອກະສານການເມືອງຂອງສູນກາງ ກໍ່ພວມຕັ້ງໜ້າຜັນຂະຫຍາຍບັນດາບົດລາຍງານດ້ານເສດຖະກິດ ກໍ່ຄືບົດລາຍງານການເມືອງໃຫ້ກອງປະຊຸມໃຫຍ່ຂອງພັກທົ່ວປະເທດຄັ້ງທີ 12. ນີ້ແມ່ນຈຸດເວລາເພື່ອໃຫ້ພວກເຮົາຜັນຂະຫຍາຍບັນດາບັນຫາເພື່ອໃຫ້ມີທິດທາງແກ່ກອງປະຊຸມໃຫຍ່ຂອງພັກທົ່ວປະເທດຄັ້ງທີ 12 ກໍ່ຄືສ້າງແຜນການ 5 ປີພັດທະນາເສດຖະກິດສັງຄົມໄລຍະ 2016 – 2020, ແຜນການລົງທຶນພາກລັດໄລຍະກາງ ຮັບປະກັນປະຕິບັດບັນດາຄາດໝາຍເຊິ່ງພັກ, ລັດ ໄດ້ກຳນົດໃນ 5 ປີຈະມາເຖິງ.”
ກອງປະຊຸມຂະແໜງແຜນການ ແລະ ການລົງທຶນທົ່ວປະເທດຈະອັດລົງໃນວັນທີ 08/08.