ຖີບລົດຢູ່ແຄງຮ່ວາ
(ພາບ:VOV5 )
(vovworld)- ວັນທີ 10/6, ຢູ່ນະຄອນທະເລຍາຈາງ ແຂວງແຄ໋ງຮ່ວາ, ສືບຕໍ່ດຳເນີນການເຄື່ອນໄຫວຕ່າງໆໃນຂອບເຂດ Festival ທະເລຍາຈາງ 2013. ຢູ່ສະໜາມຫຼວງ 2/4, ບໍລິສັດຫຸ້ນສ່ວນກາເຟເມຈາງ ໄດ້ປຸກລະດົມລາຍການສະໜັບສະໜູນເຈື່ອງຊາ, ເຊິ່ງຈະແກ່ຍາວຮອດທ້າຍເດືອນ 5/2014. ທ່ານ ເລວັນເຫງັຍ (Le Van Nghia) ຫົວໜ້າສະຖານກົງສູນກິຕິມາສັກ Uzbekistan ປະຈຳຫວຽດນາມ, ໃຫ້ຮູ້ວ່າ:
“ຂ້າພະເຈົ້າຮູ້ສືກສະເທືອນໃຈ ແລະ ສະໜັບສະໜູນລາຍການນີ້. ຂ້າພະເຈົ້າສາມາດໂຄສະນາສານນີ້ເຖິງປະຊາຄົມຊາວຫວຽດນາມຢູ່ Uzbekistan ແລະ ຢູ່ປະເທດອື່ນໆ. ເຈື່ອງຊາ ມີຄວາມໝັ້ນຄົງ, ພວກເຮົາຈຶ່ງອູ່ນອ່ຽນໃຈ “
ແລະ ກໍ່ໃນຕອນເຊົ້າວັນທີ 10/6, ຫໍພິພິດທະພັນແຂວງແຄ໋ງຮ່ວາ ໄດ້ຈັດຕັ້ງງານວາງສະແດງຮ່ວາງຊາ, ເຈື່ອງຊາ ເຊິ່ງແນະນຳ 150 ກວ່າເອກະສານ, ຮູບພາບ, ປື້ມໜັງສືພິມ ກ່ຽວກັບໝູ່ເກາະຮ່ວາງຊາ ແລະ ເຈື່ອງຊາ ນັບແຕ່ສະຕະວັດທີ 17 ມາຮອດປະຈຸບັນ. ໃນນັ້ນມີແຜນທີ່ຂະໜາດໃຫຍ່ນັບສິບແຜ່ນແມ່ນຂອງຫວຽດນາມ, ຝ່າຍຕາເວັນຕົກ ແລະ ຈີນ ເຊິ່ງໄດ້ຢືນຢັນອະທິປະໄຕຂອງຫວຽດນາມ ທີ່ມີຕໍ່ສອງໝູ່ເກາະຮ່ວາງຊາ ແລະ ເຈື່ອງຊາ.
ກ່ອນໜ້ານັ້ນ, ວັນທີ 9/6, ໄດ້ຈັດງານບຸນບົນຖະໜົນໂດຍມີການເຂົ້າຮ່ວມຂອງນັກສະແດງອາຊີບ, ນັກສະແດງສະໝັກຫຼີ້ນນັບຮ້ອຍຄົນ ຊື່ງສະແດງຊຸດອາພອນບັນດາຊົນເຜົ່າຫວຽດນາມ ແລະ ຊົນເຜົ່າລັດເຊຍ, ສເກົາຫຼີ, ຝະລັ່ງ, ຍີ່ປຸ່ນ ທີ່ດຶງດູດແຂກທ່ອງທ່ຽວພາຍໃນ ແລະ ຕ່າງປະເທດນັບພັນຄົນ. ນອກຈາກນັ້ນຍັງມີບັນດາການເຄື່ອນໄຫວຄື: ລາຍການສະແດງສິລະປະ, ຖີບລົດ, ປ່ອຍວ່າວສິລະປະ, ການແຂ່ງຂັນຕຶກເບດ...
ໃນວັນດຽວກັນ, ຢູ່ນະຄອນຍາຈາງ, ຄະນະປະສານງານເຂດແຄມທະເລທາງພາກກາງໄດ້ຈັດກອງປະຊຸມສຳມະນາທີ່ມີຫົວຂໍ້ວ່າ: “ພັດທະນາຜະລິດຕະພັນທ່ອງທ່ຽວບັນດາແຂວງແຄມທະເລທາງພາກກາງຫວຽດນາມ”. ກ່າວຄຳເຫັນນະທີ່ນີ້, ຜູ້ແທນຫຼານທ່ານຖືວ່າ, ແຕ່ລະທ້ອງຖິ່ນຄວນມີການລົງທຶນເພື່ອມີຜະລິດຕະພັນທີ່ພົ້ນເດັ່ນ, ມີລັກສະນະພິເສດສະເພາະ. ແຕ່ລະແຂວງຄວນເລືອກເຟັ້ນ 1 ຫາ 2 ງານບຸນດີເດັ່ນເພື່ອລົງທຶນ ຂຸດຄົ້ນການທ່ອງທ່ຽວ. ທ່ານຫງວຽນກູຍເຟືອງ, ຫົວໜ້າກົມທ່ອງທ່ຽວ, ກົມໃຫ່ຍທ່ອງທ່ຽວຫວຽດນາມ ຖືວ່າ:
“ເພື່ອຕ້ອນຮັບແຂກທ່ອງທ່ຽວມາທ້ອງຖິ່ນຕ່າງໆດ້ວຍກຳປັ່ນ, ຂ້າພະເຈົ້າຄິດວ່າ, ພວກເຮົາຕ້ອງມີບັນດານະໂຍບາຍໃຫ້ບຸລິມະສິດບັນດານັກລົງທຶນມາກໍ່ສ້າງທ່າກຳປັ່ນ, ສະຖານີ, ທ່າເຮືອ. ພວກເຮົາມີພື້ນຖານໂຄງລ່າງທີ່ດີຈະດຶງດູດແຂກທ່ອງທ່ຽວມາຢ້ຽມຢາມໄດ້, ຍ້ອນວ່າ, ປະຈຸບັນ, ພວກເຮົານອນໃນເຂດໃຈກາງທ່ອງທ່ຽວທະເລໃຫ່ຍທີ່ສຸດ. ຕ້ອງເພີ່ມທະວີການໂຄສະນາ, ສ້າງບັນດາການບໍລິການທີ່ມີຄຸນນະພາບສູງ”.