ຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ
(vovworld) – ກອງປະຊຸມ Shangri La ສິ້ນສຸດລົງໃນວັນທີ 5/6 ພາຍຫຼັງວາລະປຶກສາຫາລືຫຼາຍຄັ້ງຢ່າງຕໍ່ເນື່ອງທີ່ດຳເນີນໃນລະຫວ່າງວັນທີ 3 – 5/6. ມີຜູ້ແທນເກືອບ 600 ທ່ານທີ່ມາຈາກ 30 ປະເທດທັງຢູ່ພາຍໃນ ແລະ ນອກພາກພື້ນ ໄດ້ປຶກສາຫາລືຢ່າງຟົດຟື້ນ 4 ຫົວຂໍ້ຕົ້ນຕໍຂອງກອງປະຊຸມນັ້ນແມ່ນ: ຄວບຄຸມການແກ່ງແຍ້ງດ້ານການທະຫານຢູ່ ອາຊີ, ສິ່ງທ້າທາຍໃນການແກ້ໄຂການປະທະກັນ, ການປະຕິບັດຕາມຈຸດໝາຍປ້ອງກັນຄວາມສະຫງົບລວມ ແລະ ການສ້າງຕັ້ງນະໂຍບາຍປ້ອງກັນປະເທດໃນໄລຍະຕ່າງໆ. ໂດຍໄດ້ຮັບການຈັດຕັ້ງໃນສະພາບການທະເລຕາເວັນອອກມີການຜັນແປຢ່າງສັບສົນ ຍ້ອນ ຈີນ ໄດ້ດຳເນີນບັນດາການເຄື່ອນໄຫວຖົມດິນຢູ່ບັນດາເກາະເຊິ່ງປະເທດນີ້ພວມຢຶດຄອງຢ່າງຜິດກົດໝາຍ, ບັນດາຜູ້ແທນເຂົ້າຮ່ວມກອງປະຊຸມ Shangri La ປີນີ້ໄດ້ສະຫງວນເວລາສ່ວນຫຼາຍເພື່ອປຶກສາຫາລືກ່ຽວກັບບັນດາເນື້ອໃນກ່ຽວຂ້ອງເຖິງ ທະເລຕາເວັນອອກ.