( vovworld ) – “ຫັນລະບຽບການເປັນງາຍດາຍ, ສ້າງຄວາມສະດວກສະບາຍໃຫ້ຜູ້ດເສຍພາສີໄປຄຽງຄູ່ກັບການເພີ່ມທະວີປະສິດທິຜົນແຫ່ງການຄຸ້ມຄອງພາສີອາກອນຂອງລັດ, ພ້ອມທັງມຸ້ງໄປເຖິງທຳນຽມສາກົນ“ ແມ່ນທິດປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍ ການຄຸ້ມຄອງພາສີອາກອນ ຊື່ງໄດ້ຍົກອອກມາໃນການປະຊຸມຂ່າວ ໂດຍກົມໃຫ່ຍສ່ວຍສາອາກອນຈັດຂຶ້ນເມື່ອຕອນບ່າຍວັນທີ 20/2. ຕາມທ່ານ ກາວແອງຕວນ, ຮອງຫົວໜ້າກົມໃຫ່ຍສ່ວຍສາອາກອນແລ້ວ, ເລື່ອງປັບປຸງເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍ ການຄຸ້ມຄອງພາສີອາກອນ ໄດ້ແບ່ງອອກເປັນ 3 ໝວດຕົ້ນຕໍ ດ້ວຍບັນດາຈຸດໝາຍຄື: ການປະຕິຮູບ, ຫັນລະບຽບການດ້ານບໍລິຫານໃນຂົງເຂດພາສີອາກອນເປັນງາຍດາຍ, ປະຕິບັດການເກັບພາສີອາກອນຢ່າງຖືກຕ້ອງ, ທັນການ, ຊຸກຍູ້ເລື່ອງຫັນລະບົບພາສີ, ອາກອນເປັນທັນສະໄໝ, ສອດຄ່ອງກັບທ່າອຽງເຊື່ອມໂຍງ…
ຮ່າງກົດໝາຍວ່າດ້ວຍການຄຸ້ມຄອງພາສີອາກອນສະບັບປັບປຸງກໍຈະເອົາໃສໃສ່ເປັນພິເສດເຖິງການເພີ່ມທະວີການຫັນເປັນທັນສະໄໝ, ການເຊື່ອມໂຍງ, ມຸ້ງໄປເຖິງທຳນຽມສາກົນ, ເພີ່ມເຕີມຫຼັກການຄວາມສ່ຽງໃນການຄຸ້ມຄອງພາສີອາກອນ, ເພື່ອ ເປັນພື້ນຖານໃຫ້ແກ່ການນຳໃຊ້ບັນດາເຕັກນິກ, ວິຊາການຄຸ້ມຄອງພາສີອາກອນກ້າວໜ້າຢ່າງເປັນເອກະພາບ. ໜື່ງໃນບັນດາເນື້ອໃນສຳຄັນໄດ້ຮັບການປັບປຸງ ແມ່ນເພີ່ມເຕີມກົນໄກຂໍ້ຕົກລົງກ່ອນກ່ຽວກັບວິທີການກຳນົດລາຄາ (APA) ໃນການຕ້ານການປັບລາຄາ, ເລື່ອງເພີ່ມເຕີມ APA ຈະຮຽກຮ້ອງໃຫ້ວິສາຫະກິດນາໆຊາດ ຕ້ອງເປັນເຈົ້າການໃນການສະເໜີມາດຕະການຄິດໄລ່ລາຄາ ຫລືລະດັບລາຄາ ເມື່ອດຳເນີນການຊື້ຂາຍລະຫວ່າງບັນດາສະມາຊິກໃນກຸ່ມບໍລິສັດກ່ອນທີ່ແຈ້ງເສຍພາສີອາກອນ. ບົນພື້ນຖານນັ້ນ, ອົງການສ່ວຍສາອາກອນຫວຽດນາມ ຈະສົມທົບກັບອົງການສ່ວຍສາອາກອນຕ່າງປະເທດຕິດຕາມກວດກາເພື່ອຕ້ານການເສາະກົງພາສີອາກອນ.