 |
(vovworld)- ຕອນຄ່ຳວັນທີ 6/6 ທີ່ສູນວັດທະນະທຳຝລັ່ງ ຢູ່ ຮ່າໂນ້ຍ, ກຸ່ມຄົ້ນຄ້ວາຂຶ້ນກັບພະແນກພາສາສາດ, ມະຫາວິທະຍາໄລວິທະຍາສາດສັງຄົມ ແລະ ມະນຸດສາດ, ມະຫາວິທະຍາໄລແຫ່ງຊາດ ຮ່າໂນ້ຍ ແລະ ສະຖາບັນຄົ້ນຄ້ວາສາກົນ Mica - ມະຫາວິທະຍາໄລຊັບພະວິຊາ ຮ່າໂນ້ຍ ໄດ້ປະກາດ ແລະ ແນະນຳກ່ຽວກັບຫໍສະໝຸດນ້ຳສຽງດົນຕີຂອງພາສາບັນດາຊົນເຜົ່າສ່ວນຫນ້ອຍຢູ່ຫວຽດນາມ. ນີ້ແມ່ນກິດຈະກຳໄດ້ຮັບການປະຕິບັດໃນກວ່າ 30 ປີ, ຊື່ງໄດ້ເຕົ້າໂຮມ ແລະ ອະນຸລັກຮັກສາ 11 ພາສາຂອງກຸ່ມບັນດາຊົນເຜົ່າທີ່ມີຄົນຫນ້ອຍທີ່ສຸດ, ພາສາມີຄວາມສ່ຽງຖືກສູນຫາຍໄປ. ພາຍຫລັງປະຕິບັດການສຳຫລວດມາເປັນເວລາຫລາຍຄັ້ງ ພ້ອມກັບການຊ່ວຍເຫລືອດ້ານວິຊາການຂອງບັນດານັກວິທະຍາສາດຝລັ່ງ, ກຸ່ມຄົ້ນຄ້ວາໄດ້ປັບປຸງສຽງເວົ້າທຳມະຊາດ, ຫັນເປັນ ດີຈີຕອນ ແລະ ສ້າງຫໍສະໝຸດນ້ຳສຽງທີ່ມີລະດັບພາກພື້ນ ອາຊີຕາເວັນອອກສ່ຽງໃຕ້. ສາດສະດາຈານ, ດຣ ເຈີນຈີຢອ໋ຍ, ຜູ້ອຳນວຍການສູນຄົ້ນຄ້ວາພັດທະນາບັນດາເຜົ່າສ່ວນຫນ້ອຍ ແລະ ເຂດພູດອຍ, ສັງກັດມະຫາວິທະຍາໄລວິທະຍາສາດສັງຄົມ ແລະ ມະນຸດສາດ, ມະຫາວິທະຍາໄລແຫ່ງຊາດ ຮ່າໂນ້ຍ ຖືວ່າ: ເລື່ອງຫັນພາສາເປັນດີຈີຕອນ ແມ່ນວິວັດການກະກຽມເພື່ອໝູນໃຊ້ເຕັກໂນໂລຊີເຂົ້າໃນການທັກທາຍ ແລະ ເຜີຍແຜ່ວັດທະນະທຳ.