ກຳລັງທະຫານພົນລະເຮືອນຫວຽດນາມ (vovworld) – ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນມູນເຊື້ອຂອງກຳລັງທະຫານພົນລະເຮືອນຫວຽດນາມ (28/03/1935 – 28/03/2015), ທ່ານປະທານປະເທດ ເຈືອງເຕີນຊາງ ໄດ້ຝາກຈົດໝາຍອວຍພອນພະນັກງານ, ນັກຮົບກຳລັງທະຫານພົນລະເຮືອນຫວຽດນາມ. ໃນຈົດໝາຍ, ທ່ານປະທານປະເທດ ໄດ້ຍ້ອງຍໍບັນດາຜົນງານ ແລະ ຄວາມກ້າວໜ້າ, ການເຕີບໃຫຍ່ຂອງກຳລັງທະຫານພົນລະເຮືອນຫວຽດນາມ ແລະ ເຊື່ອໝັ້ນວ່າ, ໃນໄລຍະປະຕິວັດໃໝ່, ພະນັກງານ, ນັກຮົບສືບຕໍ່ພັດທະນາມູນເຊື້ອອັນດີງາມຂອງກຳລັງທະຫານພົນລະເຮືອນຫວຽດນາມ, ຝຶກຝົນຫຼໍ່ຫຼອມຢ່າງບໍ່ຢຸດຢັ້ງ, ສູ້ຊົນ, ປ່ຽນໃໝ່, ຍົກສູງຄຸນນະພາບຢ່າງຮອບດ້ານ, ປະຕິບັດໜ້າທີ່ປົກປັກຮັກສາພັກ, ອຳນາດການປົກຄອງ, ຊີວິດອີນຊີ, ຊັບສົມບັດຂອງປະຊາຊົນ, ຮັກສາຄວາມສະຫງົບປອດໄພດ້ານການເມືອງ… ຢ່າງມີໄຊ, ປະກອບສ່ວນພ້ອມກັບທົ່ວພັກ, ທົ່ວປວງຊົນ ແລະ ທົ່ວກອງທັບ ປະຕິບັດວິວັດທະນາການປ່ຽນໃໝ່ຢ່າງມີໄຊ, ກໍ່ສ້າງ ແລະ ປົກປັກຮັກສາປະເທດຫວຽດນາມ ສັງຄົມນີຍົມ.