ການນຳ ຈີນ ແລະ ອາເມລິກາ ຢູ່ທຳນຽບຂາວ ເມື່ອເດືອນ 5/2015
(ພາບ: thethaovanhoa.vn)
|
(vovworld) – ໜັງສືພິມ ຈ໋າວຊານຮວາໜານຢົວຈົ໋ວ, ຮົງກົງ, ປະເທດ ຈີນ ໄດ້ຄັດສະເໜີຄຳເວົ້າຂອງວົງການນັກຊ່ຽວຊານປ້ອງກັນປະເທດ ແລະ ການທະຫານຈາກ 2 ປະເທດ ອາເມລິກາ ແລະ ຈີນ, ໂດຍໃຫ້ຮູ້ວ່າ: ຄາດວ່າ, ທ່ານປະທານປະເທດ ຈີນ ສື່ຈີນຜິງ ຈະມີການຢ້ຽມຢາມ ອາເມລິກາ ຄັ້ງທີ 2 ໃນຮອບເວລາບໍ່ທັນຮອດ 1 ປີ ເພື່ອເຂົ້າຮ່ວມກອງປະຊຸມສຸດຍອດຄວາມໝັ້ນຄົງນິວເຄຼຍ ຢູ່ ວໍຊິງຕັນ ໃນເດືອນ 3 ຈະມາເຖິງ. ປັກກິງ ບໍ່ທັນຢັ້ງຢືນກໍລະນີທ່ານປະທານປະເທດ ສື່ຈີນຜິງ ຈະເຂົ້າຮ່ວມກອງປະຊຸມດັ່ງກ່າວຫຼືບໍ່, ແຕ່ນັກຮຽນຮູ້ ແລະ ນັກຊ່ຽວຊານໄຈ້ແຍກຂອງ ຈີນ ຫຼາຍທ່ານໄດ້ຖືວ່າ: ການນຳ ຈີນ ຈະເຂົ້າຮ່ວມກອງປະຊຸມ. ໃນການຢ້ຽມຢາມ ອາເມລິກາ ໃນເດືອນ 9/2015 ຂອງທ່ານປະທານປະເທດ ສື່ຈີນຜິງ, 2 ຝ່າຍກໍເຫັນດີເປັນເອກະພາບເພີ່ມທະວີການຮ່ວມມືກ່ຽວກັບຄວາມໝັ້ນຄົງນິວເຄຼຍ. ເຖິງຢ່າງໃດກໍຕາມ, 2 ປະເທດປະຈຳການສະພາຄວາມໝັ້ນຄົງ ສປຊ ນີ້ມີຄວາມບໍ່ລົງລອຍກັນເປັນປະຈຳກ່ຽວກັບບົດບາດຂອງແຕ່ລະຝ່າຍໃນການຮັກສາຄວາມໝັ້ນຄົງນິວເຄຼຍ, ພິເສດແມ່ນກ່ຽວຂ້ອງເຖິງ ສປປ ເກົາຫຼີ.