ປະທານປະເທດເຈີນດ້າຍກວາງ: ກໍ່ສ້າງນະຄອນໂຮ່ຈິມິນພັດທະນາ
ທ່ານປະທານປະເທດເຈີນດ້າຍກວາງ ກ່າວຄຳເຫັນທີ່ພິທີ |
(vovworld)- ຕອນເຊົ້າວັນທີ 2/7, ຢູ່ ນະຄອນໂຮ່ຈິມິນ ໄດ້ຈັດພິທີສະເຫຼີມສະຫຼອງ 40 ປີແຫ່ງວັນນະຄອນໄຊງ່ອນ-ຢາດິ້ງ ປ່ຽນຊື່ເປັນ ນະຄອນໂຮ່ຈິມິນຢ່າງເປັນທາງການ. ກ່າວຄຳເຫັນທີ່ພິທີສະເຫຼີມສະຫຼອງ, ທ່ານປະທານປະເທດເຈີນດ້າຍກວາງ ເນັ້ນໜັກວ່າ ໃນ 40 ປີທີ່ຜ່ານມາ, ນະຄອນໂຮ່ຈິມິນຍາມໃດກໍເສີມຂະຫຍາຍມູນເຊື້ອວິລະຊົນ, ມີຄວາມສາມັກຄີ, ມານະພະຍາຍາມສູ້ຊົນ, ຜ່ານຜ່າຄວາມຫຍຸ້ງຍາກ ສິ່ງທ້າທາຍນາໆປະການ, ດ້ວຍຈີນຕະນາການໃໝ່, ວິທີການປະຕິບັດໃໝ່, ສອດຄ່ອງກັບພຶດຕິກຳຕົວຈິງ, ບັນລຸໄດ້ບັນດາຜົນງານໃນທຸກໆຂົງເຂດ. ທ່ານປະທານປະເທດເຈີນດ້າຍກວາງ ກວ່າວ່າ :
“ ນະຄອນຕ້ອງນຳໜ້າໃນການຊາບຊຶມແນວຄິດຊີ້ນຳພັດທະນາເສດຖະກິດສັງຄົມ ແມ່ນສູນກາງ, ການກໍ່ສ້າງພັກ ແມ່ນຂໍ້ກູນແຈ, ພັດທະນາວັດທະນະທຳຊຶ່ງແມ່ນພື້ນຖານຂອງສັງຄົມ. ພັກ ແລະ ປະຊາຊົນຍາມໃດກໍຕິດຕາມແຕ່ລະບາດກ້າວເດີນຂອງນະຄອນ, ເຄົາລົບບັນດາຜົນງານທີ່ດີເດັ່ນ ແລະ ແບ່ງປັນຄວາມເປັນຫ່ວງ, ຄວາມຫຍຸ້ງຍາກ ແລະ ຍາມໃດກໍຫວັງໃຫ້ນະຄອນໂຮ່ຈິມິນພັດທະນາຢ່າງແຂງແຮງກວ່າອີກ ”