ປະທານສານປຊຊສູງສຸດຫວຽດນາມມອບຫຼຽນກາລະນຶກໃຫ້ຮອງປະທານສານປຊຊສູງສຸດລາວ
ປະທານສານປຊຊສູງສຸດຫວຽດນາມ
ຕ້ອນຮັບຮອງປະທານສານປຊຊສູງສຸດລາວ
(ພາບ: dangcongsan.vn)
(vovworld) - ຄະນະຜູ້ແທນຂັ້ນສູງສານປະຊາຊົນສູງສຸດລາວ ໂດຍທ່ານຮອງປະທານສານ ຄຳຜາ ແສງດາລາ ເປັນຫົວໜ້າຄະນະ ມາຢ້ຽມຢາມ ແລະ ເຮັດວຽກຢູ່ຫວຽດນາມ ໃນລະຫວ່າງວັນທີ 1-6/8/2015. ທີ່ການຕ້ອນຮັບຄະນະໃນຕອນບ່າຍວັນທີ 5/8, ຢູ່ຮ່າໂນ້ຍ, ທ່ານ ເຈືອງຮ່ວາບິ່ງ, ປະທານສານປະຊາຊົນສູງສຸດຫວຽດນາມ ໄດ້້ແບ່ງປັນບົດຮຽນໃນການສ້າງຕັ້ງ ແລະ ການເຄື່ອນໄຫວຂອງສານບໍລິຫານ. ທ່ານປະທານສານ ເຈືອງຮ່ວາບິ່ງ ໃຫ້ຮູ້ວ່າ: ຫວຽດນາມ ໄດ້ສ້າງຕັ້ງສານບໍລິຫານໃນລະບົບສານປະຊາຊົນນັບແຕ່ປີ 1996. ຜ່ານ 20 ປີແຫ່ງການເຄື່ອນໄຫວ, ສານບໍລິຫານໄດ້ປະກອບສ່ວນຢ່າງໃຫຍ່ຫຼວງເຂົ້າໃນການແກ້ໄຂຄຳຮ້ອງຟ້ອງບໍລິຫານ, ປົກປັກຮັກສາຜົນປະໂຫຍດອັນເປັນທຳຂອງພົນລະເມືອງ… ທ່ານຫວັງວ່າ, ບົດຮຽນແຫ່ງການສ້າງຕັ້ງ ແລະ ເຄື່ອນໄຫວຂອງສານບໍລິຫານຫວຽດນາມ ຈະມີປະໂຫຍດໃຫ້ສານປະຊາຊົນສູງສຸດລາວ ໃນການກໍ່ສ້າງສານບໍລິຫານໃນລະບົບສານປະຊາຊົນລາວ ແລະ ກໍ່ທີ່ການພົບປະ, ສອງຝ່າຍໄດ້ແລກປ່ຽນແຜນການຮ່ວມມືໃນຕໍ່ໜ້າ.
ເນື່ອງໃນໂອກາດນີ້, ທ່ານຫົວໜ້າສານ ເຈືອງຮ່ວາບິ່ງ ໄດ້ມອບຫຼຽນກາລະນຶກ “ເພື່ອພາລະກິດສານ“ ໃຫ້ທ່ານຮອງປະທານສານປະຊາຊົນສູງສຸດລາວ ຄຳຜາ ແສງດາລາ ຍ້ອນໄດ້ມີການປະກອບສ່ວນຢ່າງໃຫຍ່ຫຼວງໃນພາລະກິດກໍ່ສ້າງ ແລະ ພັດທະນາສາຍພົວພັນຮ່ວມມືລະຫວ່າງສານປະຊາຊົນສອງປະເທດ; ປະກອບສ່ວນເພີ່ມພູນຄູນສ້າງນຳ້ໃຈມິດຕະພາບແບບພິເສດລະຫວ່າງພັກ, ລັດ ແລະ ປະຊາຊົນສອງປະເທດ ຫວຽດນາມ - ລາວ.