ທ່ານ​ປະ​ທາ​ນາ​ທິ​ບໍ​ດີ ອິດ​ສະ​ຣາ​ແອນ Reuven Ruvi Rivlin ແລະ ທ່ານ ຫງວຽນ​ແທ່ງ​ຟອງ, ປະ​ທານ​ຄະ​ນະ​ກຳ​ມະ​ການ​ປະ​ຊາ​ຊົນ​ນະ​ຄອນ ໂຮ່​ຈີ​ມິນ

(vovworld) - ​​ໂດຍ​ສືບ​ຕໍ່​ການ​ເຄື່ອນ​ໄຫວ​ໃນ​ຂອບ​ເຂດ​ການ​ຢ້ຽມ​ຢາມ ຫວຽດ​ນາມ, ວັນ​ທີ 23/3, ທ່ານ​ປະ​ທາ​ນາ​ທິ​ບໍ​ດີ ອິດ​ສະ​ຣາ​ແອນ Reuven Ruvi Rivlin ມີ​ການ​ພົບ​ປະ​ກັບ​ທ່ານ ຫງວຽນ​ແທ່ງ​ຟອງ, ປະ​ທານ​ຄະ​ນະ​ກຳ​ມະ​ການ​ປະ​ຊາ​ຊົນ​ນະ​ຄອນ ໂຮ່​ຈີ​ມິນ. ນະ​ທີ່ນີ້, ທ່ານ ຫງວຽນ​ແທ່ງ​ຟອງ ໃຫ້​ຮູ້​ວ່າ: ປະ​ຈຸ​ບັນ, ອິ​ດ​ສະ​ຣາ​ແອນ ມີ 11 ໂຄງ​ການ​ລົ​ງ​ທຶນ​ເຂົ້າ​ນະ​ຄອນ ໂຮ່​ຈີ​ມິນ ດ້ວຍຍອດ​ຈຳ​ນວນ​ທຶນ 10 ລ້ານ​ USD, ປີ 2016 ວົງ​ເງິນ​ການ​ສົ່ງ​ອອກ - ນຳ​ເຂົ້າ 2 ຝ່າຍ​ລະ​ຫວ່າງ​ນະ​ຄອນ ແລະ ອິດ​ສະ​ຣ​າ​ແອນ ບັນ​ລຸ 1,6 ຕື້ USD. ທ່ານ​ປະ​ທານ​ຄະ​ນະ​ກຳ​ມະ​ການ​ປະ​ຊາ​ຊົນ​ນະ​ຄອນ ໂຮ່​ຈີ​ມິນ ຫວັງ​ວ່າ ບັນ​ດາ​ນັກ​ລົງ​ທຶນ ອິດ​ສະ​ຣາ​ແອນ ຈະ​ສືບ​ຕໍ່​ລົງ​ທຶນ​ເຂົ້າ​ນະ​ຄອນ, ພິ​ເສດ​ໃນ​ບັນ​ດາ​ຂົງ​ເຂດ​ທີ່ ອິດ​ສະ​ຣາ​ແອນ ມີ​ທ່າ​ແຮງ ແລະ ນະ​ຄອນ​ມີ​ຄວາມ​ຕ້ອງ​ການ​ຄື​ກະ​ສິ​ກຳ​ເຕັກ​ໂນ​ໂລ​ຢີ​ສູງ, ເຕັກ​ໂນ​ໂລ​ຢີ​ຂໍ​້​ມູນ​ຂ່າວ​ສານ, ເຄ​ມີ, ໂທ​ລະຄົມ​ມະ​ນາ​ຄົມ​ … ສ່ວນ​ທ່ານ​ປະ​ທາ​ນາ​ທິ​ບໍ​ດີ ອິດ​ສະ​ຣາ​ແອນ Reuven Ruvi Rivlin ເຊື່ອ​ໝັ້ນ​ວ່າ: ການ​ພົວ​ພັນ​ເສດ​ຖະ​ກິດ ການ​ຄ້​າ ແລະ ການ​ລົງ​ທຶນ​ລະ​ຫວ່າງ ຫວຽດ​ນາມ - ອິດ​ສະ​ຣາ​ແອນ ຈະ​ພັດ​ທະ​ນາ​ຢ່າງ​ແຮງ​ໃນ​ໄລ​ຍະ​ຈະ​ມາ​ເຖິງ.