(vovworld) - ວັນທີ 14/12, ທ່ານປະທານາທິບໍດີຊີຣີ Bashar Al Assad ຖະແຫຼງວ່າ ບັນດາການເຄື່ອນໄຫວດ້ານການທະຫານຈະບໍ່ຢຸດຕິພາຍຫຼັງກອງທັບປະເທດນີ້ຢືດຄອງ Aleppo ຄືນໃໝ່ຢ່າງຄົບຖ້ວນ ແລະ ໄດ້ຕີໃຫ້ພວກກຳລັງປະກອບອາວຸດຖອນອອກນະຄອນນີ້. ເມື່ອຕອບສຳພາດຕໍ່ນັກຂ່າວໃນຊ່ອງໂທລະພາບ NTV, ທ່ານປະທານາທິບໍດີຊີຣີ Bashar Al Assad ເວົ້າວ່າ, ບັນດາການເຄື່ອນໄຫວດ້ານການທະຫານອາດຈະຖືກຢຸດຕິຢູ່ບັນດາເຂດ ເຊິ່ງແມ່ນບ່ອນທີ່ພວກກະບົດ ແລະ ບັນດາກຳລັງປະກອບອາວຸດມອບສົ່ງອາວຸດໃຫ້ບັນດາກຳລັງຂອງອຳນາດການປົກຄອງຊີຣີ ໂດຍກົງ ແລະ ຖອນອອກ. ການນຳ Damacus ກໍ່ໃສ່ໃຈວ່າ ເລື່ອງອົງການລັດອິດສະລາມ (IS) ອ້າງຊື່ເອງ ດຳເນີນບັນດາການບຸກໂຈມຕີແນໃສ່ນະຄອນເກົ່າ Palmyra ດ້ວຍຈຳນວນອາວຸດ ແລະ ບັນດາມືປືນຢ່າງຫຼວງຫຼາຍ ໄດ້ສະແດງໃຫ້ເຫັນວ່າ ກຳລັງກໍ່ການຮ້າຍນີ້ໄດ້ຮັບການໜູນຊ່ວຍໂດຍກົງຈາກບາງປະເທດ. ທ່ານ Bashar Al Assad ກໍເຕື້ອງເຖິງພາລະກິດໃນການສ້າງສາປະເທດຊາດຄືນໃໝ່ພາຍຫຼັງສົງຄາມ ແລະ ຮຽກຮ້ອງບັນດານັກທຸລະກິດຊີຣີ ກັບຄືນເມືອປະເທດເພື່ອຮ່ວມແຮງຮ່ວມໃຈຟື້ນຟູພື້ນຖານເສດຖະກິດ.