ຜູ້ປະຈຳການຄະນະເລຂາເລຮົ່ງແອງຕ້ອນຮັບຄະນະຄົ້ນຄ້ວາຍຸດທະສາດພັດທະນາເສດຖະກິດສູນກາງພັກປະຊາຊົນປະຕິວັດລາວ
ຄະນະຜູ້ແທນຂັ້ນສູງ ຄະນະເສດຖະກິດສູນກາງພັກກອມມູນິດ
ຫວຽດນາມເຈລະຈາກັບຄະນະຜູ້ແທນຄະນະຄົ້ນຄ້ວາຍຸດທະສາດ
ເສດຖະກິດສູນກາງພັກປະຊາຊົນປະຕິວັດລາວ
(ພາບ: cpv.org.vn)
|
(vovworld) - ຕອນບ່າຍວັນທີ 22/4, ທີ່ສຳນັກງານສູນກາງພັກກອມມູນິດ ຫວຽດນາມ, ທ່ານ ເລຮົ່ງແອງ, ຜູ້ປະຈຳການຄະນະເລຂາສູນກາງພັກກອມມູນິດ ຫວຽດນາມ ໄດ້ໃຫ້ການຕ້ອນຮັບທ່ານ ບົວສອນ ບຸບຜາວັນ, ຫົວໜ້າຄະນະຄົ້ນຄ້ວາຍຸດທະສາດພັດທະນາເສດຖະກິດສູນກາງ ພັກປະຊາຊົນປະຕິວັດ ລາວ ພວມຢູ່ຢ້ຽມຢາມ ແລະ ເຮັດວຽກຢູ່ ຫວຽດນາມ. ທີ່ການຕ້ອນຮັບ, ທ່ານເລຮົ່ງແອງ ຕີລາຄາສູງໝາກຜົນແຫ່ງການເຈລະຈາລະຫວ່າງຄະນະຜູ້ແທນຄະນະເສດຖະກິດສູນກາງພັກກອມມູນິດ ຫວຽດນາມ ແລະ ຄະນະຄົ້ນຄ້ວາຍຸດທະສາດພັດທະນາເສດຖະກິດສູນກາງພັກປະຊາຊົນປະຕິວັດ ລາວ ແລະ ການຮ່ວມມືຢ່າງມີປະສິດທິຜົນລະຫວ່າງ 2 ຄະນະໃນໄລຍະຜ່ານມາ. ບັນດາເນື້ອໃນໂດຍ 2 ຄະນະໄດ້ແລກປ່ຽນນຳກັນ ແມ່ນບັນດາບັນຫາສຳຄັນທີ່ສຸດເຊິ່ງທັງ 2 ຝ່າຍຕ່າງກໍ່ມີຄວາມສົນໃຈ. ທ່ານ ເລຮົ່ງແອງ ຫວັງວ່າ: ໃນໄລຍະຈະມາເຖິງ, 2 ຄະນະຈະເພີ່ມທະວີການແລກປ່ຽນຂໍ້ມູນຂ່າວສານ, ສົມທົບກັນຢ່າງແໜ້ນແຟ້ນ, ແບ່ງປັນບົດຮຽນເພື່ອເປັນເສນາທິການໃຫ້ແກ່ສູນກາງພັກຂອງແຕ່ລະປະເທດກ່ຽວກັບແຜນນະໂຍບາຍ, ແນວທາງພັດທະນາເສດຖະກິດ - ສັງຄົມ.