ພິທີເປີດສະຫຼອງທາງບົກລະຫວ່າງ3ປະເທດ
ຫວຽດນາມ, ລາວ, ກຳປູເຈຍ
(ພາບ:tuoitre.vn)
(vovworld) - ວັນທີ 9/9, ຢູ່ຄູ່ດ່ານຊາຍແດນ ຮວາລື, ບິ່ງເຟືອກ (ຫວຽດນາມ) – Trapeang Sre (ກຳປູເຈຍ), ກະຊວງຄົມມະນາຄົມຂົນສົ່ງຫວຽດນາມ ສົມທົບກັບກະຊວງຂົນສົ່ງໂຍທາ ກຳປູເຈຍ, ກະຊວງໂຍທາ ແລະ ຂົນສົ່ງລາວ ຈັດຕັ້ງ ພິທີເປີດສະຫຼອງທາງບົກຕາມບົດບັນທຶກຊ່ວຍຈຳລະຫວ່າງລັດຖະບານ 3 ປະເທດຫວຽດນາມ, ລາວ, ກຳປູເຈຍ ຢ່າງເປັນທາງການ. ກ່ອນໜັ້ນນັ້ນ, ວັນທີ 17/1/2013, ຢູ່ຈຳປາສັກ, ຕາງໜ້າລັດຖະບານ 3 ປະເທດຫວຽດນາມ, ລາວ, ກຳປູເຈຍ, ລັດຖະມົນຕີກະຊວງຂົນສົ່ງ 3 ປະເທດ ໄດ້ລົງນາມໃນບົດບັນທຶກຊ່ວຍຈຳ, ດ້ວຍຈຸດໝາຍຕອບສະໜອງຄວາມຕ້ອງການພັດທະນາດ້ານເສດຖະກິດ, ການພົວພັນແລກປ່ຽນດ້ານການຄ້າ, ການທ່ອງທ່ຽວ, ສ້າງເງື່ອນໄຂສະດວກໃຫ້ແກ່ການຂົນສົ່ງສິນຄ້າໄປມາຜ່ານຊາຍແດນລະຫວ່າງ 3 ປະເທດຫວຽດນາມ, ລາວ, ກຳປູເຈຍ.
ກ່າວຄວາມເຫັນນະພິທີ, ທ່ານລັດຖະມົນຕີຊ່ວຍວ່າການກະຊວງຄົມມະນາຄົມຂົນສົ່ງຫວຽດນາມ ເລດິ່ງທໍ້ ໃຫ້ຮູ້ວ່າ: ເມື່ອບົດບັນທຶກຊ່ວຍຈຳລະຫວ່າງ 3 ປະເທດໄດ້ຮັບການປະຕິບັດ, ມັນຈະປະກອບສ່ວນຫຼຸດຜ່ອນຄ່າຂົນສົ່ງ, ຖອນເວລາໃຫ້ສັ້ນລົງ, ສ້າງເງື່ອນໄຂສະດວກໃຫ້ປະຊາຊົນ 3 ປະເທດ, ນັກທ່ອງທ່ຽວສາກົນ, ພາຫະນະ ແລະ ສິນຄ້າໄປມາຜ່ານຊາຍແດນຢ່າງສະດວກສະບາຍ, ປະກອບສ່ວນຮັດແໜ້ນສາຍພົວພັນມິດຕະພາບລະຫວ່າງ 3 ປະເທດຫວຽດນາມ, ລາວ, ກຳປູເຈຍ ກວ່າອີກ.