( vovworld ) - ທ່ານປະທານາທິບໍດີລັດເຊຍ Vladimir Putin ໄດ້ຖະແຫຼງວ່າ ມົດສກູ ບໍ່ອະນຸຍາດໃຫ້ຜູ້ໃດຂົ່ມຂູ່ໃຊ້ກຳລັງອາວຸດ, ພ້ອມກັນນັ້ນກໍກ່າວເຕື່ອນວ່າ ຈະໂຕ້ຕອບຢ່າງວ່ອງໄວ ແລະ ສົມເຫດສົມຜົນຕໍ່ທຸກໆການຂົ່ມຂູ່ ເພື່ອຮັກສາສັນຕິພາບ, ບັນດາສິດຜົນປະໂຫຍດ ແລະ ອະທິປະໄຕຂອງສະຫະພັນລັດເຊຍ. ທ່ານປະທານາທິບໍດີລັດເຊຍ Vladimir Putin ໄດ້ຍົກອອກຄຳຖະແຫຼງດັ່ງກ່າວໃນການຕ້ອນຮັບບັນດານາຍທະຫານທີ່ຫາກໍຮຽນຈົບບັນດາວິທະຍາຄານການທະຫານ ເຊິ່ງດຳເນີນໄປໃນຕ້ອນທ່ຽງວັນທີ 28/6 ຢູ່ວັງ ກແຣມລິນ. ທ່ານປະທານາທິບໍດີ Putin ໄດ້ຢືນຢັນວ່າ ລັດເຊຍຖືການສ້າງຖັນແຖວທະຫານທີ່ທັນສະໄໝ ແລະ ປັບປຸງຄວາມໝັ້ນຄົງແຫ່ງຊາດແມ່ນບຸລິມະສິດອັນດັບໜຶ່ງ. ລັດເຊຍ ຈະສືບຕໍ່ຫັນຖັນແຖວທະຫານເປັນທັນສະໄໝ, ເພີ່ມຄັງປະກັນໄພທາງສັງຄົມໃຫ້ພົນທະຫານຢ່າງເໝາະສົມກັບການເພີ່ມໜ້າທີ່ຮັບຜິດຊອບ ແລະ ພາລະໜ້າທີຂອງເຂົ້າເຈົ້າ. ທ່ານປະທານນາທິບໍດີ Putin ກໍເນັ້ນໜັກວ່າ ໂຄງການກໍ່ສ້າງ ແລະ ຍົກລະດັບບັນດາເທດສະບານພົນທະຫານດ້ວຍພື້ນຖານສັງຄົມອັນຈຳເປັນ, ຕ້ອງປະຕິບັດສຳເລັດຖືກກັບຈຸດເວລາທີ່ໄດ້ວາງອອກ.