ສະຖານທີ່ໃກ້ກັບນະຄອນ Aleppo ພາຍຫຼັງການຖິ້ມລະເບີດໃນວັນທີ 20/8
(ພາບ: AFP/TTXVN)
(vovworld) – ວັນທີ 25/8, ສະຫະປະຊາຊາດ ໃຫ້ຮູ້ວ່າ: ລັດເຊຍ ໄດ້ເປັນເອກະພາບຕໍ່ການປະຕິບັດຄຳສັ່ງຢຸດຍິງເປັນເວລາ 48 ຊົ່ວໂມງ/ອາທິດຢູ່ນະຄອນ Aleppo ຢູ່ຊີຣີ ເພື່ອຜັນຂະຫຍາຍບັນດາການເຄື່ອນໄຫວໜູນຊ່ວຍມະນູດສະທຳ. ເຖິງຢ່າງໃດກໍ່ຕາມ, ເລື່ອງຮັບປະກັນຄວາມສະຫງົບຍັງຄົງລໍຄອຍປະຕິກິລິຍາຂອງຝ່າຍອື່ນໆ. ກ່າວຄຳເຫັນຕໍ່ວົງການນັກຂ່າວ, ທູດພິເສດຂອງ ສປຊ ກ່ຽວກັບ ຊີຣີ ທ່ານ Staffan de Mistura ໄດ້ຊີ້ແຈ້ງວ່າ: “ຝ່າຍ ສະຫະພັນລັດເຊຍ ໄດ້ເຫັນດີແລ້ວ. ພວກຂ້າພະເຈົ້າຈະລໍຖ້າບັນດາຝ່າດອື່ນເຮັດຄືແນວນັ້ນ”. ທ່ານຍັງເນັ້ນໜັກວ່າ: “ບັນດາລົດຂົນສົ່ງໄດ້ກຽມພ້ອມແລ້ວ ແລະ ອາດຈະເລີ່ມເດີນທາງບໍ່ວ່າໃນເວລາໃດເມື່ອພວກຂ້າພະເຈົ້າໄດ້ຮັບສານດັ່ງກ່າວ”. ຕາມຜູ້ຮັບຜິດຊອບບັນຫາມະນຸດສະທຳຂອງ ສປຊ Jan Egeland ແລ້ວ, ແຜນການໜູນຊ່ວຍມະນຸດສະທຳ Aleppo ລວມມີການຂົນສົ່ງສະບຽງອາຫານເຖິງຂົງເຂດພາກຕາເວັນອອກໃນປະຈຸບັນໂດຍບັນດາມືປືນພວກກະບົດຄວບຄຸມ ແລະ ເຂດພາກຕາເວັນຕົກໂດຍລັດຖະບານຊີຣີຄວບຄຸມ, ກໍ່ຄືການປົວແປງຕາໜ່າງໄຟຟ້າຢູ່ພາກໃຕ້ ທີ່ເຄີຍສະໜອງໄຟຟ້າໃຫ້ສະຖານທີ່ສູບນ້ຳ 8 ແຫ່ງທີ່ຮັບໃຊ້ໃຫ້ປະຊາຊົນເກືອບ 2 ລ້ານຄົນ.