(vovworld) - ຕອນເຊົ້າວັນທີ 07/12, ຢູ່ຮ່າໂນ້ຍ, ສະມາຄົມຊາວໜຸ່ມ ໄດ້ຂົນຂວາຍການບໍລິຈາກເລືອດຮ່າໂນ້ຍ ໄດ້ສົມທົບກັບສະຖາບັນໂລຫິດສາດ - ສົ່ງເລືອດສູນກາງຈັດຕັ້ງວັນບຸນ “ຫົວໃຈອາສາສະໝັກ” ຄັ້ງທີ 5. ວັນບຸນ“ຫົວໃຈອາສາສະໝັກ” ຄັ້ງທີ 5 ໄດ້ຮັບການຈັດຕັ້ງເພື່ອແນໃສ່ຕອບສະໜອງວັນສາກົນຜູ້ອາສາສະໝັກ ແລະ ມຸ່ງໄປເຖິງຄາດໝາຍບໍລິຈາກເລືອດໃຫ້ໄດ້ 1 ລ້ານຖົງໃນປີ 2013. ນີ້ແມ່ນໂອກາດເພື່ອໃຫ້ບັນດາໄວໜຸ່ມນະຄອນຫຼວງ ສະແດງຄວາມໄຝ່ຝັນ, ຈິດໃຈແບ່ງປັນຂອງຕົນຜ່ານການເຄື່ອນໄຫວບໍລິຈາກເລືອດກູ້ເອົາຊີວິດ, ເພີ່ມກຳລັງແຮງໃຫ້ບັນດາຄົນເຈັບທີ່ຕ້ອງການໄດ້ຮັບເລືອດ. ນາງ ຫງວຽນທິລິງ, ນັກສຶກສາວິທະຍາໄລການແພດຮ່າໂນ້ຍ ໃຫ້ຮູ້ວ່າ.
“ນີ້ເປັນຄັ້ງທຳອິດທີ່ນ້ອງເຂົ້າຮ່ວມການບໍລິຈາກເລືອດ ແຕ່ນ້ອງຄິດວ່າບັນດາໂຮງໝໍ ແລະ ຄົນເຈັບພວມຕ້ອງການເລືອດ ສະນັ້ນນ້ອງຍາກເຂົ້າຮ່ວມເພື່ອຊ່ວຍໃຫ້ເຂົາເຈົ້າ. ໂດຍສະເພາະແມ່ນໃນໂອກາດບຸນປີໃໝ່ເຊິ່ມແມ່ນເວລາທີ່ບັນດາໂຮງໝໍ ແລະ ຄົນເຈັບມີຄວາມຕ້ອງການເລືອດສູງທີ່ສຸດ”.