ວາງສະແດງວັດຖຸບູຮານ 500 ຢ່າງທີ່ມີມາແຕ່ສະໄໝປະຖົມບູຮານຮອດສະຕະວັດທີ19
ມີວັດບູຮານ 500 ຢ່າງໃນງານວາງສະແດງຄັ້ງນີ້
(ພາບ: TTXVN)
(vovworld) - ວັນທີ 19/03, ຢູ່ຫໍພິພິທະພັນຮຸ່ງເວືອງ, ນະຄອນວຽດຈີ່, ແຂວງ ຟຸ໋ທໍ້ ໄດ້ຈັດງານວາງສະແດງພາບຖ່າຍ, ວັດຖຸພັນກ່ຽວກັບ “ການເຫຼື້ອມໃຊບູຊາເຈົ້າຊີວິດຮຸ່ງ” ແລະ ວັດຖຸບູຮານທີ່ມີມາແຕ່ສະໄໝປະຖົມບູຮານຮອດສະຕະວັດທີ 19. ນີ້ແມ່ນໜຶ່ງໃນບັນດາການເຄື່ອນໄຫວເນື່ອງໃນໂອກາດພິທີໄຫວ້ບູຊາເຈົ້າຊີວິດຮຸ່ງ - ງານບຸນວິຫານຮຸ່ງ 2017. ໃນງານວາງສະແດງຄັ້ງນີ້, ມີວັດບູຮານ 500 ຢ່າງ ທີ່ມີມາແຕ່ສະໄໝປະຖົມບູຮານຮອດສະຕະວັດທີ 19 ທີ່ແຕກຕ່າງກັນ, ລ້ວນແຕ່ແມ່ນບັນດາວັດຖຸພັນທີ່ລ້ຳຄ່າເຊິ່ງບັນດານັກສະສົມທີ່ສຸດຈິດສຸດໃຈຊອກຫາ, ເກັບຮັກສາ. ບັນດາວັດຖຸພັນໄດ້ເຮັດດ້ວຍຫີນ, ເຄື່ອງເຄືອບດິນເຜົາ, ທອງ… ວັດຖຸບູຮານເຫຼົ່ານີ້ລ້ວນແຕ່ມີຄຸນຄ່າດ້ານປະຫວັດສາດ, ວິທະຍາສາດ, ວັດທະນະທຳ ສະແດງໃຫ້ເຫັນລະດັບເຕັກນິກ, ວິຈິດຕະກຳລະອຽດລະອໍຂອງຄົນລຸ້ນກ່ອນໆ, ພ້ອມທັງເປັນສິ່ງພິສູດໃຫ້ເຫັນບັນດາຄຸນຄ່າດ້ານວັດຖຸ, ຈິດໃຈໃນຕະຫຼອດໄລຍະປະຫວັດສາດ, ສ້າງພະລັງຊີວິດທີ່ຍືນຍົງຄົງຕົວຂອງປະຊາຄົມຊາວຫວຽດນາມ.