ທ່ານລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມຫງວຽນມິງກວາງ
(ພາບ: VGP/Thu Cúc)
(vovworld)- ກ່າວຄວາມເຫັນສະຫຼຸບວາລະຊັກຖາມຂອງຄະນະປະຈຳສະພາແຫ່ງຊາດໃນວັນທີ 29/9. ທ່ານປະທານສະພາແຫ່ງຊາດ ຫງວຽນຊິງຮຸ່ງ ຫວັງວ່າ ໃນໄລຍະຈະມາເຖິງຈະມີການຫັນປ່ຽນຢ່າງຕັ້ງໜ້າໃນການນຳໃຊ້ຊັບພະຍາກອນບໍ່ແຮ່, ທີ່ດິນ ເພື່ອໃຫ້ແຫຼ່ງຊັບພະຍາກອນນີ້ປະກອບສ່ວນເຂົ້າໃນການພັດທະນາຂອງພື້ນຖານເສດຖະກິດຢ່າງແທ້ຈິງ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ກໍ່ຮຽກຮ້ອງໃຫ້ຂະແໜງຊັບພະຍາກອນ ແລະ ສິ່ງແວດລ້ອມ, ສຸມໃສ່ແກ້ໄຂສິ່ງທີ່ຍັງຄົງຄ້າງໃນການສະໜອງໜັງສືຢັ້ງຢືນສິດນຳໃຊ້ທີ່ດິນ, ຈຳກັດການຟ້ອງຮ້ອງທີ່ກ່ຽວຂ້ອງເຖິງທີ່ດິນ, ສ້າງກົນໄກເພື່ອພັດທະນາຕະຫຼາດອະສັງຫະລິມະຊັບ… ກ່ຽວກັບນະໂຍບາຍການເງິນ, ເງິນຕາ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ເນັ້ນໜັກເຖິງເລື່ອງສືບຕໍ່ຊຸກຍູ້ນະໂຍບາຍການເງິນ, ເງິນຕາໄປຄຽງຄູ່ກັບກັບການສ້າງໂຄງປະກອບເສດຖະກິດຄືນໃໝ່. ເຖິງປີ 2015, ຫວຽດນາມຈະມີລະບົບອົງການສິນເຊື່ອການເງິນທີ່ປອດໄສ. ບັນດາອົງການການເງິນ, ສິນເຊື່ອຕ້ອງເຄື່ອນໄຫວຕາມຄຸນນະພາບສາກົນ ແລະ ພາກພື້ນ. ຂະແໜງການເງິນຈຳເປັນຕ້ອງມີມາດຕະການເພື່ອທະວີການແກ້ໄຂໜິ້ເສຍຕື່ມອີກ.
ສອງບັນຫາຕົ້ນຕໍໃນວາລະຊັກຖາມຂອງຄະນະປະຈຳສະພາແຫ່ງຊາດທີ່ຈັດຂຶ້ນໃນຕອນເຊົ້າວັນທີ 29/9 ແມ່ນການແກ້ໄຂການຮ້ອງທຸກ, ກ່າວຟ້ອງໃນຂົງເຂດທີ່ດິນ ແລະ ການຄຸ້ມຄອງຊັບພະຍາກອນທຳມະຊາດ, ແຮ່ທາດຕິດພັນກັບການປົກປັກຮັກສາສິ່ງແວດລ້ອມ.
ຕາມການຕີລາຄາຂອງທ່ານຫງວຽນມິງກວາງ, ລັດຖະມົນຕີກະຊວງຊັບພະຍາ ກອນ ແລະ ສິ່ງແວດລ້ອມ, ໃນໄລຍະຜ່ານມາ, ອົງການນີ້ໄດ້ເປັນທີ່ປຶກສາໃຫ້ລັດຖະບານ ໃນການປະກາດໃຊ້ບັນດາເອກະສານແນະນຳເພື່ອປະຕິບັດກົດໝາຍວ່າດ້ວຍທີ່ດິນ ແລະ ກົດໝາຍວ່າດ້ວຍແຮ່ທາດ.
ກ່ຽວກັບສະພາບຮ້ອງທຸກ, ກ່າວຟ້ອງກ່ຽວຂ້ອງເຖິງບັນຫາທີ່ດິນຍັງເພີ່ມຂຶ້ນ, ໃນນັ້ນມີສາຍເຫດຍ້ອນມີຂໍ້ຕິດຂັດໃນການປະກາດໃຊ້ເອກະສານແນະນຳການປະຕິບັດ, ທ່ານ ລັດຖະມົນຕີກະຊວງຊັບພະຍາກອນ ແລະ ສິ່ງແວດລ້ອມ ຫງວຽນມິງກວາງ ມີຄຳຕອບວ່າ:
“ຜ່ານບັນດາໄລຍະແຕກຕ່າງກັນ, ແຜນນະໂຍບາຍກ່ຽວກັບການນຳໃຊ້ຊັບພະຍາ ກອນທຳມະຊາດກໍ່ມີການປ່ຽນແປງ. ກົດໝາຍດ່ວຍດ້ວຍທີ່ດິນປີ 2013 ໃຫ້ຮູ້ວ່າ: ມີເອກະສານ 400 ສະບັບໄດ້ຖືກປະກາດໃຊ້ກ່ຽວຂ້ອງເຖິງການຊົດເຊີຍ, ບຸກເບີກໜ້າພຽງ ແຕ່ຄວມຮັບຜິດຊອບຕົ້ນຕໍແມ່ນທ້ອງຖິ່ນຕ່າງໆຕ້ອງຜັນຂະຫຍາຍການປະຕິບັດເອກະສານ“.
ກ່າວຄວາມເຫັນສະຫຼຸບວາລະຊັກຖາມຂອງຄະນະປະຈຳສະພາແຫ່ງຊາດໃນວັນທີ 29/9. ທ່ານປະທານສະພາແຫ່ງຊາດ ຫງວຽນຊິງຮຸ່ງ ຫວັງວ່າ ໃນໄລຍະຈະມາເຖິງຈະມີການຫັນປ່ຽນຢ່າງຕັ້ງໜ້າໃນການນຳໃຊ້ຊັບພະຍາກອນແຮ່ທາດ, ທີ່ດິນ ເພື່ອໃຫ້ແຫຼ່ງຊັບພະຍາກອນນີ້ປະກອບສ່ວນເຂົ້າໃນການພັດທະນາຂອງພື້ນຖານເສດຖະກິດຢ່າງແທ້ຈິງ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ກໍ່ຮຽກຮ້ອງໃຫ້ຂະແໜງຊັບພະຍາກອນ ແລະ ສິ່ງແວດລ້ອມ, ສຸມໃສ່ແກ້ໄຂສິ່ງທີ່ຍັງຄົງຄ້າງໃນການສະໜອງໜັງສືຢັ້ງຢືນສິດນຳໃຊ້ທີ່ດິນ, ຈຳກັດການຟ້ອງຮ້ອງທີ່ກ່ຽວຂ້ອງເຖິງທີ່ດິນ, ສ້າງກົນໄກເພື່ອພັດທະນາຕະຫຼາດອະສັງຫະລິມະຊັບ… ກ່ຽວກັບນະໂຍບາຍການເງິນ, ເງິນຕາ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ເນັ້ນໜັກເຖິງເລື່ອງສືບຕໍ່ຊຸກຍູ້ນະໂຍບາຍການເງິນ, ເງິນຕາໄປຄຽງຄູ່ກັບກັບການສ້າງໂຄງປະກອບເສດຖະກິດຄືນໃໝ່. ເຖິງປີ 2015, ຫວຽດນາມຈະມີລະບົບອົງການສິນເຊື່ອການເງິນທີ່ປອດໄສ. ບັນດາອົງການການເງິນ, ສິນເຊື່ອຕ້ອງເຄື່ອນໄຫວຕາມຄຸນນະພາບສາກົນ ແລະ ພາກພື້ນ. ຂະແໜງການເງິນຈຳເປັນຕ້ອງມີມາດຕະການເພີ່ມທະວີການແກ້ໄຂໜິ້ເສຍຕື່ມອີກ.