ບັນດານັກສະແດງມາຈາກແຂວງລາຍເຈົາ, ຫວຽດນາມ (ພາບ: TTXVN)

        ພິທີໄດ້ຈັດຕັ້ງປົກກະຕິ 2 ປີ ເທື່ອໜຶ່ງ, ດ້ວຍການເຄື່ອນໄຫວວັດທະນະທຳ, ສິລະປະ, ກິລາ, ການລະຫຼີ້ນບັນເທິງ, ອາຫານການກິນ ທີ່ເຂັ້ມຂຸ້ນໄປດ້ວຍສີສັນວັດທະນະທຳ ຂອງວົງຄະນະຍາດບັນດາເຜົ່າ ຢູ່ເຂດຊາຍແດນຂອງ 3 ປະເທດ. ງານບຸນປີນີ້, ໄດ້ມີການເຂົ້າຮ່ວມຂອງຜູ້ແທນ, ນັກສະແດງ, ນັກກິລາ ແລະ ບັນດາວິສາຫະກະກິດຂອງ 3 ປະເທດກວ່າ 700 ທ່ານ ແລະ ໄດ້ດຶງດູດປະຊາຊົນ, ແຂກທ່ອງທ່ຽວ ທັງຢູ່ພາຍໃນ ແລະ ຕ່າງປະເທດ ຫຼາຍກວ່າ 20.000 ຄົນ.

        ຜ່ານງານບຸນດັ່ງກ່າວ, ບັນດານັກກິລາ, ນັກສິລະປິນຂອງຊົນເຜົ່າຕ່າງໆ ໄດ້ພົບປະແລກປ່ຽນ, ຖອດຖອນບົດຮຽນ, ຝາກຝັງບັນດາຈຸດຄວາມງາມທີ່ມີສີສັນກ່ຽວກັບວັດທະນະທຳ, ປະຊາຊົນຂອງເຜົ່າຕົນກັບ ເພື່ອນມິດປະເທດຕ່າງໆ, ຮັດແໜ້ນສາຍພົວພັນດ້ານການທູດປະຊາຊົນ… ທ່ານ ເຈິ່ນດຶກຫ໋ຽນ ຮອງປະທານຄະນະກຳມະການປະຊາຊົນເມືອງເມື່ອງແຕ່ ແຂວງລາຍເຈົາ ໃຫ້ຮູ້ວ່າ:

        “ໃນໄລຍະຈະມາເຖິງ ຈະສືບຕໍ່ຄຸ້ມຄອງຂົງເຂດວັດທະນະທຳຢ່າງມີປະສິດທິຜົນທີ່ສຸດ, ເຮັດແນວໃດເພື່ອໃຫ້ມີລັກສະນະຮັບໃຊ້ໃຫ້ແກ່ວຽກງານອະນຸລັກຮັກສາສີສັນວັດທະນະທຳຂອງແຕ່ລະຊົນຊາດຊົນເຜົ່າ ແລະ ຂຸດຄົ້ນຂົງເຂດວັດທະນະທຳໃຫ້ໄດ້ດີທີ່ສຸດ ເພື່ອສ້າງຈຸດພົ້ນເດັ່ນໃຫ້ແກ່ແຂກທ່ອງທ່ຽວ, ພ້ອມທັງສ້າງຄວາມໂດດເດັ່ນເພື່ອພັດທະນາຂະແໜງທ່ອງທ່ຽວຂອງເມືອງ”.