ຄຳກ່າວເຕືອນດັ່ງກ່າວຖືກຍົກອອກມາໃນຂະນະທີ່ຄະນະຜູ້ແທນລັດຖະມົນຕີຊີຣີ ແລະ ຝ່າຍຄ້ານພວມດຳເນີນຮອບເຈລະຈາສັນຕິພາບຄັ້ງທີ 7 ຢູ່ເຊີແນວ, ປະເທດສະວິດ. ກ່າວຄຳເຫັນທີ່ການປະຊຸມຂ່າວພາຍຫຼັງການພົບປະກັບຄະນະຜູ້ແທນລັດຖະບານຊີຣີ, ທູດພິເສດສະຫະປະຊາຊາດ Mitura ຍອມຮັບວ່າ ຍາກທີ່ຈະມີບາດກ້າວບຸກທະລຸຢູ່ຮອບເຈລະຈານີ້, ແຕ່ຫວັງວ່າຈະບັນລຸໄດ້ຄວາມກ້າວໜ້າບາງຢ່າງ. ທ່ານ Mitura ເນັ້ນໜັກວ່າ, ບັນດາຂໍ້ຕົກລົງແນໃສ່ຫຼຸດຜ່ອນການປີນຂັ້ນໄດດ້ານການຮົບຢູ່ຊີຣີ ຈະພາໄປເຖິງໄລຍະສະຖຽນລະພາບໃຫ້ແກ່ຊີຣີ, ແຕ່ຂໍ້ຕົກລົງຄືແນວນັ້ນພຽງແຕ່ແມ່ນມາດຕະການແກ້ໄຂຊົ່ວຄາວ ແລະ ຕ້ອງຫຼີກລ້ຽງການແບ່ງແຍກປະເທດນີ້. ຕາມທ່ານແລ້ວ, ບັນດາການເຈລະຈາໄດ້ດຳເນີນຢູ່ Amman, ຈໍແດນ ແມ່ນສຸມໃສ່ເຂົ້າໃນການຕິດຕາມກວດກາການປະຕິບັດຄຳສັ່ງຢຸດຍິງຢ່າງຄົບຖ້ວນຢູ່ ທິດຕາເວັນຕົກສ່ຽງໃຕ້ຊີຣີ ໂດຍລັດເຊຍ ແລະ ອາເມລິກາ ເປັນຄົນກາງໄກ່ເກ່ຍ.