ພາບປະກອບ:baomoi.com
|
(vovworld)- ຕອນເຊົ້າວັນທີ 21/8 ຢູ່ ຮ່າໂນ້ຍ, ກອງບັນຊາການປ້ອງກັນສຸສານປະທານໂຮ່ຈິມີນ ໄດ້ຈັດຕັ້ງພິທີສະເຫລີມສະຫລອງ 40 ປີແຫ່ງວັນສ້າງຕັ້ງ (29/8/1975-29/8/2015). ທ່ານນາງຮອງປະທານປະເທດຫວຽດນາມ ຫງວຽນທິຢວານ ໄດ້ເຂົ້າຮ່ວມ ແລະ ມອບຫລຽນໄຊປົກປັກຮັກສາປະເທດຊາດຊັ້ນຫນຶ່ງໃຫ້ ກອງບັນຊາການປ້ອງກັນສຸສານປະທານໂຮ່ຈິມີນ.
ກ່າວຄຳເຫັນທີ່ພິທີ, ຕາງຫນ້າໃຫ້ຄະນະພັກການທະຫານສູນກາງ, ກະຊວງປ້ອງກັນປະເທດ, ພົນໂທ ເຈືອງກວາງແຄງ, ລັດຖະມົນຕີຊ່ວຍວ່າການກະຊວງປ້ອງກັນປະເທດ ໄດ້ສະເຫນີກອງບັນຊາການປ້ອງກັນສຸສານປະທານໂຮ່ຈິມີນ ຕ້ອງຊາບຊືມແນວທາງການເມືອງ, ການທະຫານຂອງພັກ, ຫນ້າທີ່ຮັກສາຊາກສົບປະທານໂຮ່ຈິມີນຢ່າງປອດໄພ ແລະ ຍາວນານ. ທີ່ພິທີສະເຫລີມສະຫລອງ, ຄະນະຈັດຕັ້ງໄດ້ປະກາດຈົດໝາຍຂອງປະທານປະເທດ ເຈືອງເຕີນຊາງ ສົ່ງເຖິງພະນັກງານ, ນັກຮົບ, ພາລະກອນ, ລັດຖະກອນ ໃນກອງບັນຊາການປອ້ງກັນສຸສານປະທານໂຮ່ຈິມີນ.