(vovworld) – ທີ່ປຶກສາປ້ອງກັນຄວາມສະຫງົບແຫ່ງຊາດສ.ເກົາຫຼີ, ທ່ານ Kim Kwan jin ໃຫ້ຮູ້ວ່າ, ປະເທດນີ້ຈະຊຸກຍູ້ບັນດາການເຈລະຈາຂັ້ນລັດຖະບານ ກັບຝ່າຍ ສປປ.ເກົາຫຼີ ພາຍຫຼັງການພົບປະບັນດາຄອບຄົວທີ່ຖືກພັດພາກຈາກກັນພວມດຳເນີນໄປ ແລະ ຈະສິ້ນສຸດໃນທ້າຍອາທິດຈະມາເຖິງ. ແຕ່ວ່າ, ຕາມທ່ານ Kim Kwan jin ແລ້ວ, ວັນເວລາລະອຽດບໍ່ທັນໄດ້ຕົກລົງເທື່ອ. ທ່ານ Kim Kwan jin ກໍ່ໃຫ້ຮູ້ຕື່ມອີກວ່າ, ຖ້າຫາກ ສ.ເກົາຫຼີ ແລະ ສປປ.ເກົາຫຼີ ບັນລຸໄດ້ຄວາມກ້າວໜ້າໃນການເຈລະຈາ, ບັນດາການພົບປະຄືດັ່ງກ່າວຈະໄດ້ຮັບການຈັດຕັ້ງເປັນປະຈຳ. ທ່ານ Kim Kwan jin ກໍໃຫ້ຮູ້ວ່າ, ກະຊວງທ້ອນໂຮມຊາດສ.ເກົາຫຼີ ຈະໜູນຊ່ວຍບັນດາການເຄື່ອນໄຫວພົບປະແລກປ່ຽນລະຫວ່າງສ.ເກົາຫຼີ ແລະ ສປປ.ເກົາຫຼີ ໂດຍບັນດາອົງການຈັດຕັ້ງພາກເອກະຊົນປະຕິບັດໃນຫຼາຍຂົງເຂດຄື: ວັດທະນະທຳ, ສິ່ງແວດລ້ອມ ແລະ ປັບປຸງຊີວິດການເປັນຢູ່ຂອງປະຊາຊົນ.