(vovworld) – ວັນທີ 7/1, ອາເມລິກາ ແລະ ສ ເກົາຫຼີ ເລີ່ມດຳເນີນຮອບເຈລະຈາຄັ້ງໃໝ່ທີ່ແກ່ຍາວເປັນເວລາ 2 ວັນກ່ຽວກັບເລື່ອງພິຈາລະນາຄືນບັນດາຂໍ້ມາດຕາໃນສົນທິສັນຍາຮ່ວມມືດ້ານນິວເຄຼຍພົນລະເຮືອນ 2 ຝ່າຍ. ຮອບເຈລະຈາຖືກດຳເນີນຢູ່ນະຄອນ Daejeon ທາງພາກກາງ ສ ເກົາຫຼີ. ນີ້ແມ່ນຮອບເຈລະຈາຄັ້ງທີ 9 ລະຫວ່າງ 2 ຝ່າຍກ່ຽວກັບການປັບປຸງບັນດາຂໍ້ມາດຕາໃນສົນທິສັນຍາຕາມຂໍ້ສະເໜີຂອງຝ່າຍ ເຊີອູນ. ທີ່ການເຈລະຈາ, 2 ຝ່າຍບັນລຸໄດ້ຄວາມເຫັນດີເຫັນພ້ອມກ່ຽວກັບເລື່ອງດຳເນີນການປັບປຸງເນື້ອໃນສົນທິສັນຍາຕາມຂໍ້ສະເໜີທີ່ ເຊີອູນ ຍົກອອກມາທີ່ການເຈລະຈາຄັ້ງກ່ອນ.
ໃນການເຈລະຈາຄັ້ງກ່ອນທີ່ດຳເນີນໃນທ້າຍເດືອນ 9, ສ ເກົາຫຼີ ຮຽກຮ້ອງໃຫ້ຝ່າຍ ອາເມລິກາ ລົບລ້າງຂໍ້ກຳນົດຫ້າມປະເທດນີ້ນຳໃຊ້ເຕັກໂນໂລຢີເສີມທາດ ຢູຣານຽມ ແລະ ນຳໃຊ້ເຊື້ອເພີງ ນິວເຄຼຍເສດເຫຼືອຄືນໃໝ່. ຕາມການອະທິບາຍຂອງຝ່າຍ ສ ເກົາຫຼີ, ຂໍ້ກຳນົດດັ່ງກ່າວຕ້ອງໄດ້ຮັບການລົບລ້າງເພື່ອແນໃສ່ຕອບສະໜອງຄວາມຮຽກຮ້ອງຕ້ອງການດ້ານພະລັງານທີ່ນັບມື້ນັບສູງພາຍໃນປະເທດ, ພ້ອມທັງຮັບໃຊ້ຄວາມຕ້ອງການສົ່ງອອກເຕັກໂນໂລຢີກໍ່ສ້າງໂຮງງານໄຟຟ້ານິວເຄຼຍຂອງປະເທດນີ້.