ລາຍການ “ຮ່ວມແຮງຮ່ວມໃຈຊ່ວຍເຫລືອຜູ້ທຸກຍາກ"
ພາບ:baonhandan
|
(vovworld)- ຕອນຄ່ຳວັນທີ 1/1, ແຂວງ ຮ່ານາມ ໄດ້ຈັດຕັ້ງລາຍການ “ຮ່ວມແຮງຮ່ວມໃຈຊ່ວຍເຫລືອຜູ້ທຸກຍາກຕ້ອນຮັບປີໃຫມ່ປະຈຳຊາດ” ເພື່ອຮຽກຮ້ອງບັນດາວິສາຫະກິດ, ບັນດາຜູ້ໃຈບຸນໃຈກຸສົນຮ່ວມແຮງຮ່ວມໃນຫນູນຊ່ວຍບັນດາຄອບຄົວປະສົບກັບຄວາມຫຍຸ້ງຍາກໃນບໍລິເວນແຂວງ. ໃນລາຍການນີ້, ບັນດາອົງການ, ຫົວຫນ່ວຍ, ວິສາຫະກິດໄດ້ບໍລິຈາກເງິນເພື່ອສະຫນັບສະຫນູນຜູ້ທຸກຍາກໃນແຂວງ ດ້ວຍຈຳນວນເງິນກວ່າ 17 ຕື້ດົງ.
ໃນຊຸມມື້ຕົ້ນປີ 2017, ບັນດາສະໂມສອນ, ກຸ່ມເຮັດວຽກງານກຸສົນຢູ່ ຢາລາຍ ໄດ້ຈັດຕັ້ງການເຄື່ອນໄຫວບໍລິຈາກ, ສະຫນັບສະຫນູນ ແລະ ຊ່ວຍເຫລືອເດັກກຳພ້າ ແລະ ຄົນເຈັບທຸກຍາກ.
ຂະແຫນງສາທາລະນະສຸກແຂວງ ບີງດີ້ງ ຍູ້ແຮງວຽກງານກວດ, ປິ່ນປົວ, ແຈກຢາຍຢຸກຢາໂດຍບໍ່ເກັບຄ່າໃຫ້ແກ່ປະຊາຊົນຢູ່ເຂດຖືກໄພນ້ຳຖ້ວມ ພ້ອມທັງຂົນຂວາຍບັນດາວິສາຫະກິດການຢາ ຊ່ວຍເຫລືອພໍ່ແມ່ປະຊາຊົນທີ່ຖືກເສຍຫາຍຈາກໄພນ້ຳຖ້ວມ. ພະນແນກສາທາລະນະສຸກແຂວງ ບີງດີ້ງ ກໍຂົນຂວາຍພະນັກງານ, ລັດຖະກອນໃນຂະແຫນງ ເຂົ້າຮ່ວມການບໍລິຈາກເລືອດ ຮັບໃຊ້ວຽກງານປິ່ນປົວຢູ່ບັນດາໂຮງໝໍ. ທ່ານໝໍ ເລກວາງຮຸ່ງ, ຫົວຫນ້າພະແນກສາທາລະນະສຸກແຂວງ ບີງດີ້ງ ໃຫ້ຮູ້ວ່າ:
“ພວກຂ້າພະເຈົ້າໄດ້ນຳໃຊ້ບັນດາແຫລ່ງອຸປະຖຳຂອງບັນດາອົງການ, ບໍລິສັດ, ວິສາຫະກິດການຢາເພື່ອໃຫ້ເຂົາເຈົ້າຫນູນຊ່ວຍແຫລ່ງຢຸກຢາເພື່ອໄປກວດພະຍາດໃຫ້ແກ່ປະຊາຊົນ. ນອກນັ້ນ ພະແນກສາທາລະນະສຸກ ກໍໄດ້ຂົນຂວາຍບັນດາວິສາຫະກິດຫນູນຊ່ວຍຂອງຂວັນກວ່າ 700 ພູດເພື່ອມອບໃຫ້ຄົນເຈັບ ແລະ ຜູ້ທຸກຍາກ”