ຫວຽດນາມ ນອນໃນ top 10 ປະເທດດີທີ່ສຸດໃນໂລກໃຫ້ແກ່ຜູ້ອອກແຮງງານຕ່າງປະເທດ
(VOVWORLD) -ທະນາຄານ HSBC ຫາກໍ່ປະກາດບົດລາຍງານ HSBC Expat 2019 ຊື່ງແມ່ນຕາຕະລາງຈັດອັນດັບບັນດາປະເທດທີ່ເປັນຕາໜ້າດຳລົງຊີວິດ ແລະ ເຮັດວຽກທີ່ດີທີ່ສຸດໃນໂລກ ສຳລັບຊາວຕ່າງປະເທດ, ໃນນັ້ນຫວຽດນາມ ຖືກຈັດໃນອັນດັບທີ 10 ໃນບັນຊີລາຍຊື່ດັ່ງກ່າວ.
ຊາວຕ່າງປະເທດສອນຢູ່ຫວຽດນາມ
(ພາບ: TTXVN)
|
HSBC Expat ໄດ້ອີງຕາມບັນດາຂໍ້ມູນເກັບກຳໄດ້ຈາກຜູ້ອອກແຮງງານຕ່າງປະເທດກ່ວາ 18.000 ຄົນຢູ່ 163 ເຂດແຄ້ວນ. ຫວຽດນາມ ໄດ້ຮັບການຕີລາຄາວ່າແມ່ນໜຶ່ງໃນບັນດາປະເທດມີການຂຶ້ນອັນດັບໄວທີ່ສຸດ. ຈາກອັນດັບທີ 18 ຂອງປີ 2018, ຫວຽດນາມ ໄດ້ບຶ່ນຕົວຂຶ້ນຢູ່ອັນດັບທີ 10 ໃນຕາຕະລາງປີນີ້. HSBC ໄດ້ຍົກອອກບັນດາເຫດຜົນທີ່ພາໃຫ້ຫວຽດນາມ ແມ່ນຈຸດນັບພົບທີ່ດີຂອງຜູ້ອອກແຮງງານຕ່າງປະເທດຄື: ໂອກາດມີວຽກເຮັດງານທຳເປີດກ້ວາງ, ລາຍຮັບສູງ, ຄ່າໃຊ້ຈ່າຍຖືກ, ພື້ນຖານວັດທະນະທຳມີຫຼາຍຮູບຫຼາຍແບບ, ຊາວຫວຽດນາມ ມີຄວາມສະໜິດສະໜົມ, ປະເທດສັນຕິພາບ, ດິນຟ້າອາກາດເອື້ອຍອຳນວຍ ແລະ ທິວທັດທຳມະຊາດສວຍງາມທີ່ສຸດ.