(vovworld) - ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ສສ.ຫວຽດນາມ ປະຈຳແຊກເບຍ Tran Xuan Thuy ຫາກໍຍື່ນສານຕາຕັ້ງຂອງທ່ານປະທານປະເທດ Truong Tan Sang ຕໍ່ປະທານາທິບໍດີ Tomislav Nikolie. ທີ່ພິທີຕ້ອນຮັບພາຍຫຼັງຍື່ນສານຕາຕັ້ງ, ປະທານາທິບໍດີ Tomislav Nikolie ໄດ້ສະແດງຄວາມພາກພູມໃຈຕໍ່ສາຍພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ ແລະ ແຊກໂກສະໂລວາກີ ໃນເມື່ອກ່ອນ, ກໍຄືລະຫວ່າງຫວຽດນາມ ແລະ ແຊກເບຍ ໃນປະຈຸບັນ. ທ່ານປະທານາທິບໍດີອວຍພອນໃຫ້ທ່ານເອກອັກຄະລັດຖະທູດ Tran Xuan Thuy ຈົ່ງປະສົບຜົນສຳເລັດໃນການປະຕິບັດວຽກງານຂອງຕົນ, ປະກອບສ່ວນປັບປຸງ ແລະ ພັດທະນາສາຍພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງສອງປະເທດ. ສ່ວນທ່ານເອກອັກຄະລັດຖະທູດ Tran Xuan Thuy ກໍຢືນຢັນວ່າ ຈະເຮັດຈົນສຸດຄວາມສາມາດຂອງຕົນເພື່ອປະກອບສ່ວນເພີ່ມທະວີສາຍພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງຫວຽດນາມ ແລະ ແຊກເບຍ.