ຫວຽດນາມຍາມໃດກໍ່ພ້ອມແລ້ວຕ້ອນຮັບບັນດາວິສາຫະກິດເອີລົບມາລົງທຶນຢູ່ຫວຽດນາມ
ທ່ານ ຫງວຽນວັນບີງ, ຫົວຫນ້າຄະນະເສດຖະກິດສູນກາງ ແລະ ທ່ານ Jens Ruebbert, ປະທານ ສະຫະສະມາຄົມວິສາຫະກິດ ເອີລົບ
ພາບ:TTXVN
|
(vovworld)- ຫວຽດນາມຍາມໃດກໍ່ຕ້ອນຮັບບັນດາວິສາຫະກິດເອີລົບມາລົງທຶນຢູ່ຫວຽດນາມ ນີ້ແມ່ນຄຳຢືນຢັນຂອງທ່ານ ຫງວຽນວັນບີງ, ຫົວຫນ້າຄະນະເສດຖະກິດສູນກາງ ໃນການຕ້ອນຮັບ ທ່ານ Jens Ruebbert, ປະທານ ສະຫະສະມາຄົມວິສາຫະກິດ ເອີລົບ (Eurocham) ປະຈຳຫວຽນາມ ໃນວັນທີ 19/4. ເມື່ອແຈ້ງໃຫ້ທ່ານ Jens Rubbert ຊາບບາງບັນຫາຈຸດສຸມຕົ້ນຕໍ ຊື່ງຫວຽດນາມ ສຸມໃສ່ປະຕິບັດຕາມເນື້ອໃນມະຕິກອງປະຊຸມໃຫຍ່ຄັ້ງທີ 12 ຂອງພັກ, ທ່ານ ຫງວຽນວັນບີງ, ຫົວຫນ້າຄະນະເສດຖະກິດສູນກາງ ໄດ້ເນັ້ນຫນັກຢ່າງແຮງບັນດາການໃຫ້ບຸລິມະສິດສຳຄັນຂອງຫວຽດນາມ ແມ່ນຍູ້ແຮງການປະຕິຮູບ ເພື່ອສ້າງລະບອບນະໂຍບາຍເສດຖະກິດໃຫ້ສົມບູນບບ, ສ້າງສະພາບແວດລ້ອມແຫ່ງການດຳເນີນທຸລະກິດ ແລະ ການແກ້ງແຍ້ງຢ່າງສະເຫມີພາບ, ປອດໃສ, ຍົກສູງກຳລັງແກ້ງແຍ້ງຂອງພື້ນຖານເສດຖະກິດ, ພ້ອມທັງ ຢືນຢັນ: ຫວຽດນາມ ຍາມໃດກໍ່ພ້ອມແລ້ວຕ້ອນຮັບ ບັນດາວິສາຫະກິດເອີລົບມາລົງທຶນຢູ່ຫວຽດນາມ. ທ່ານ ຫງວຽນວັນບີງ ເຊື່ອໝັ້ນວ່າ ສະຫະສະມາຄົມວິສາຫະກິດ ເອີລົບ ຈະສືບຕໍ່ມີບັນດາການເຄື່ອນໄຫວຮ່ວມມືຢ່າງມີປະສິດທິຜົນຢູ່ຫວຽດນາມໃນໄລຍະຈະມາເຖິງ, ປະກອບສ່ວນຕັ້ງຫນ້າຊຸກຍູ້ການພົວພັນລະຫວ່າງ ສະຫະພາບເອີລົບ ແລະ ຫວຽດນາມ. ສ່ວນທ່ານ Jens Rubbert ປະທານ Eurocharm ຖືວ່າ ໃນສະພາບການປະຈຸບັນ, ສັນຍາການຄ້າເສລີ ລະຫວ່າງ ສະຫະພາບເອີລົບ ແລະ ຫວຽດນາມ ຈະສວມບົດບາດສຳຄັນໃນວິວັດການເຊື່ອມໂຍງເຂົ້າກັບການຄ້າທົ່ວໂລກຂອງຫວຽດນາມ, ຊ່ວຍໃຫ້ຫວຽດນາມ ກາຍເປັນຈຸດນັດພົບແຫ່ງການດຳເນີນທຸລະກິດ, ການລົງທຶນຢູ່ພາກພື້ນ ອາຊຽນ ຂອງວິສາຫະກິດ ເອີລົບ.