(vovworld) – ກອງປະຊຸມຄັ້ງທີ 1 ຂອງກຸ່ມນັກຊ່ຽວຊານກ່ຽວກັບການເກັບກູລະເບີດບໍ່ທັນແຕກມະນຸດສະທຳໃນຂອບເຂດການຮ່ວມມືປ້ອງກັນຊາດ (ADMM+) ຈະຈັດຕັ້ງຢູ່ ຮ່າໂນ້ຍແຕ່ວັນທີ 17 – 20/6 ຈະມາເຖິງ. ນີ້ເປັນຄັ້ງທຳອິດ ຫວຽດນາມ ແລະ ອິນເດຍ ເປັນປະທານຮ່ວມຈັດຕັ້ງກອງປະຊຸມ, ຜ່ານນັ້ນຈະສ້າງແຜນການເຄື່ອນໄຫວຂອງກຸ່ມນັກຊ່ຽວຊານ ADMM+ ກ່ຽວກັບການເກັບກູລະເບີດບໍ່ທັນແຕກມະນຸດສະທຳໄລຍະ 2014 – 2017.
ທີ່ການປະຊຸມຂ່າວໃນຕອນເຊົ້າວັນທີ 12/6, ຢູ່ ຮ່າໂນ້ຍ ໂດຍກະຊວງປ້ອງກັນປະເທດ ຫວຽດນາມ ຈັດຕັ້ງ, ທ່ານ ພັນເອກ ໂດ໋ມາຍແຄງ, ຮອງຫົວໜ້າວິທະຍາຄານການພົວພັນສາກົນກ່ຽວກັບການປ້ອງກັນຊາດ, ກະຊວງປ້ອງກັນປະເທດ, ຊີ້ແຈ້ງວ່າ:
“ນີ້ເປັນກອງປະຊຸມທຳອິດໃນຂອບເຂດ ADMM+ ກ່ຽວກັບການເກັບກູລະເບີດບໍ່ທັນແຕກມະນຸດສະທຳ, ແມ່ນພື້ນຖານເພື່ອລະດົມການຮ່ວມມືສາກົນໃນຂົງເຂດນີ້, ແນໃສ່ຍູ້ໄວລະດັບການແກ້ໄຂຜົນຮ້າຍຢ້ອນຫຼັງຂອງລະເບີດບໍ່ທັນແຕກ ບໍ່ພຽງແຕ່ຢູ່ ຫວຽດນາມ ເທົ່ານັ້ນ ຫາກຍັງຢູ່ບັນດາປະເທດຖືກຜົນສະທ້ອນຈາກລະເບີດໝາກມິນອີກດ້ວຍ. ຜ່ານນັ້ນ ສ້າງເງື່ອນໄຂເພື່ອໃຫ້ບັນດາອົງການ, ບັນດາປະເທດພິຈາລະນາການອຸປະຖຳມະນຸດສະທຳກໍ່ຄືປະກອບສ່ວນຊ່ວຍຊີວິດຂອງປະຊາຊົນສະຫງົບງຽບກ່ວາ ພິເສດແມ່ນຜູ້ປະສົບເຄາະຮ້າຍຈາກລະເບີດໝາກມິນ, ວັດຖຸລະເບີດເຊື່ອມຕົວເຂົ້າກັບປະຊາຄົມ. ພວກຂ້າພະເຈົ້າຫວັງວ່າ ບັນດາປະເທດຈະພ້ອມກັນປຶກສາຫາລືເພື່ອຊອກຫາວິທີ, ສ້າງເງື່ອນໄຂສະດວກໃຫ້ວຽກງານທຳລາຍລະເບີດໝາກມິນຂອງ ຫວຽດນາມ ໃນໄລຍະຈະມາເຖິງ.”