(vovworld) - ເວທີປາໄສຮ່ວມມືນິ້ວເຄຼຍອາຊີ (FCNA) ຄັ້ງທີ 16 ຖືກດຳເນີນໃນລະຫວ່າງວັນທີ 07 - 08/12, ຢູ່ນະຄອນຫຼວງໂຕກຽວ, ປະເທດຍີ່ປຸ່ນ. ເວທີປາໄສໂດຍຄະນະກຳມິການພະລັງານມະລະມານູຍີ່ປຸ່ນ ແລະ ຫ້ອງວ່າການລັດຖະບານຍີ່ປຸ່ນ ສົມທົບກັນຈັດຕັ້ງ ດ້ວຍການເຂົ້າຮ່ວມຂອງ 12 ປະເທດສະມາຊິກຄື: ຍີ່ປຸ່ນ, ຈີນ, ຫວຽດນາມ, ຟິລິບປີນ, ອົດສະຕາລີ… ຄະນະຜູ້ແທນຫວຽດນາມ ໂດຍທ່ານ ຈູຫງອກແອງ, ລັດຖະມົນຕີຊ່ວຍວ່າການກະຊວງວິທະຍາສາດ ແລະ ເຕັກໂນໂລຊີ, ເປັນຫົວໜ້າຄະນະເຂົ້າຮ່ວມເວທີປາໄສ.
ທີ່ເວທີປາໄສ, ທ່ານ ຈູຫງອກແອງ, ລັດຖະມົນຕີຊ່ວຍວ່າການກະຊວງວິທະຍາສາດ ແລະ ເຕັກໂນໂລຊີຫວຽດນາມ ໄດ້ຊີ້ແຈ້ງບົດບາດຂອງຫວຽດນາມ ໃນເວທີປາໄສ, ຢືນຢັນວ່າ, ຫວຽດນາມ ໄດ້ເຂົ້າຮ່ວມຢ່າງຄົບຖ້ວນ ແລະ ຕັ້ງໜ້າ ດ້ວຍການເປັນປະທານເວທີປາໄສເມື່ອປີ 2004, ເປັນເຈົ້າການປະຕິບັດບັນດາໂຄງການກ່ຽວຂ້ອງເຖິງການປ່ຽນແປງຂອງດິນຟ້າອາກາດ ແລະ ນິວເຄຼຍ. ທີ່ກອງປະຊຸມຄັ້ງນີ້, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ມີບົດກ່າວປາໄສສຳຄັນ, ຊີ້ແຈ້ງບັນດາທັດສະນະຂອງຫວຽດນາມ ສຳລັບການຕໍ່ສູ້, ຕ້ານບັນຫາປ່ຽນແປງຂອງດິນຟ້າອາກາດ, ຊີ້ແຈ້ງບັນດາຄຳໝັ້ນສັນຍາຂອງຫວຽດນາມ ໃນການຮ່ວມແຮງຮ່ວມໃຈພ້ອມກັບປະຊາຄົມສາກົນຕ້ານການປ່ຽນແປງຂອງດິນຟ້າອາກາດ, ເຖິງວ່າ, ຫວຽດນາມ ຍັງຖືກຈຳກັດດ້ານການເງິນກໍຕາມ, ແຕ່ໄດ້ມີຄວາມມານະພະຍາຍາມເພື່ອປະກອບດ້ານການເງິນສ່ວນໜຶ່ງໃຫ້ກອງທຶນລວມ ປົກປັກຮັກສາສິ່ງແວດລ້ອມ ກໍຄືຕ້ານການປ່ຽນແປງຂອງດິນຟ້າອາກາດ.
ເວທີປາໄສຄັ້ງນີ້ດ້ວຍຫົວຂໍ້ ການປ່ຽນແປງຂອງດິນຟ້າອາກາດ ແຕ່ໄດ້ປະກອບສ່ວນຍົກສູງລະດັບຄອງຊີບຂອງປະຊາຊົນ ແມ່ນເນື້ອໃນສຳຄັນເປີດກາລະໂອກາດຮ່ວມມື, ຄົ້ນຄວ້າ, ປະຕິບັດບັນດາໂຄງການລະຫວ່າງປະເທດສະມາຊິກ ຮັບໃຊ້ພາລະກິດພັດທະນາໃນໄລຍະຈະມາເຖິງຂອງແຕ່ລະປະເທດ, ພິເສດແມ່ນການນຳໃຊ້ເຕັກໂນໂລຊີນິວເຄຼຍ ເພື່ອຮັບໃຊ້ວຽກງານຮັບມືກັບການປ່ຽນແປງຂອງດິນຟ້າອາກາດ.