ຫວຽດນາມຕີລາຄາສູງ ເລື່ອງອີນເດຍ ປະກອບສ່ວນຮັບປະກັນຄວາມສະຖຽນລະພາບໃນພາກພື້ນອາຊຽນ
(ທ່ານເອກອັກຄະລັດຖະທູດຫວຽດນາມ ປະຈຳ ອີນເດຍ ຫງວຽນແທງເຕີນ)
(vovworld) – ວັນທີ 09/06, ເມື່ອຕອບສຳພາດຕໍ່ວົງການນັກຂ່າວ ກ່ຽວກັບໄຊຊະນະຂອງພັກປະຊາຊົນອີນເດຍ (BJP), ໂດຍທ່ານນາຍົກລັດຖະມົນຕີ Narendra Modi ນຳໜ້າ ແລະ ມີຄວາມໝາຍສຳລັບການພົວພັນລະຫວ່າງຫວຽດນາມ - ອີນເດຍ, ທ່ານເອກອັກຄະລັດຖະທູດຫວຽດນາມ ປະຈຳ ອີນເດຍ ຫງວຽນແທງເຕີນ ໃຫ້ຮູ້ວ່າ, ການເພີ່ມທະວີການມີໜ້າຂອງອີນເດຍ ໃນພາກພື້ນຈະປະກອບສ່ວນຮັບປະກັນຄວາມສະຖຽນລະພາບໃນພາກພື້ນອາຊີຕາເວັນອອກສ່ຽງໃຕ້. ທ່ານເອກອັກຄະລັດຖະທູດ ຫງວຽນແທງເຕີນ ສະແດງຄວາມປາດຖະໜາວ່າ ພາຍໃຕ້ການຊີ້ນຳນຳພາຂອງລັດຖະບານໃໝ່, ອີນເດຍ ຈະເປີດກວ້າງການມີໜ້າຂອງຕົນຢູ່ພາກພື້ນອາຊີຕາເວັນອອກສ່ຽງໃຕ້ ເພື່ອແນໃສ່ຮັບປະກັນຄວາມດຸນດຽງຂອງບັນດາກຳລັງອື່ນທີ່ຫາກໍ່ພົ້ນເດັ່ນ. ທ່ານເອກອັກຄະລັດຖະທູດ ຖືວ່າ ການມີໜ້າຂອງອີນເດຍ ທີ່ກອງປະຊຸມກ່ຽວກັບການສົມທົບກັນເຄື່ອນໄຫວ ແລະ ບັນດາມາດຕະການປັບປຸງຄວາມໄວ້ເນື້ອເຊື່ອໃຈຢູ່ອາຊີ ແລະ ກອງປະຊຸມ Shangri La ທີ່ຜ່ານມາ, ໄດ້ພິສູດໃຫ້ເຫັນວ່າ ລັດຖະບານອີນເດຍ ໃນປະຈຸບັນຢາກເດີນຕາມນະໂຍບາຍ “ມຸ່ງໄປສູ່ທິດຕາເວັນອອກ”. ຫວຽດນາມ ເຊື່ອໝັ້ນວ່າ ທ່ານນາຍົກລັດຖະມົນຕີ ອີນເດຍ ຈະເດີນຕາມນະໂຍບາຍ “ມຸ່ງໄປສູ່ທິດຕາເວັນອອກ” ຄືບັນດານາຍົກລັດຖະມົນຕີກ່ອນນີ້ຢ່າງແຮງ .
ກ່ຽວກັບການພົວພັນລະຫວ່າງຫວຽດນາມ - ອີນເດຍ, ທ່ານເອກອັກຄະລັດຖະທູດ ຫງວຽນແທງເຕີນ ໃຫ້ຮູ້ວ່າ, ຫວຽດນາມ ມີບັນດາກາລະໂອກາດລົງທຶນເຂົ້າອີນເດຍ ຢ່າງໃຫຍ່ຫຼວງ, ປາດຖະໜາວ່າ ອີນເດຍ ຈະຮັບບັນດາທ່າແຮງນັ້ນ. ອີນເດຍ ໄດ້ລົງທຶນໃນຂົງເຂດນ້ຳມັນອາຍແກດ ຢູ່ຫວຽດນາມ.