ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຕ້ອນຮັບທ່ານ
ເອກອັກຄະລັດຖະທູດລາຊະອານາຈັກ ອັງກິດ Giles Lever
(ພາບ: baochinhphu.vn)
(vovworld) - ວັນທີ 21/7, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ໃຫ້ການຕ້ອນຮັບທ່ານເອກອັກຄະລັດຖະທູດລາຊະອານາຈັກ ອັງກິດ ປະຈຳ ຫວຽດນາມ Giles Lever. 2 ຝ່າຍໄດ້ເຕື້ອງເຖິງບັນດາການເຄື່ອນໄຫວ, ໂຄງການຮ່ວມມືຢ່າງຕັ້ງໜ້າລະຫວ່າງ ຫວຽດນາມ ແລະ ລາຊະອານາຈັກ ອັງກິດ, ໃນນັ້ນ, ມີບັນດາການໜູນຊ່ວຍຂອງ ອັງກິດ ໃຫ້ຫວຽດນາມ ໃນຂົງເຂດປ່ຽນແປງດິນຟ້າອາກາດຄື: ໂຄງການເພີ່ມທະວີຄວາມສາມາດແຫ່ງຊາດໃນການຮັບມືກັບການປ່ຽນແປງຂອງດິນຟ້າອາກາດ, ໂຄງການຮ່ວມມືໃນຂົງເຂດປ່ຽນແປງດິນຟ້າອາກາດ…., ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຕີລາຄາສູງບັນດາໝາກຜົນແຫ່ງການຮ່ວມມືໃນຂົງເຂດຮັບມືກັບການປ່ຽນແປງຂອງດິນຟ້າອາກາດລະຫວ່າງອົງການຕ່າງໆຂອງ 2 ປະເທດ; ພ້ອມທັງປາດຖະໜາວ່າ 2 ຝ່າຍສືບຕໍ່ຍູ້ແຮງການຮ່ວມມືໃນຂົງເຂດນີ້, ສ້າງແຜນຮ່າງທົ່ວໂລກກ່ຽວກັບການບໍລິການປ່ຽນແປງຂອງດິນຟ້າອາກາດ, ໜູນຊ່ວຍເຕັກໂນໂລຢີພະຍາກອນ, ນິຕິກຳກ່ຽວກັບການປ່ຽນແປງຂອງດິນຟ້າອາກາດ.
ສ່ວນທ່ານເອກອັກຄະລັດຖະທູດ Giles Lever ສະເໜີໃຫ້ທ່ານຮອງນາຍົກລັດຖະມົນຕີ ຮ່ວາງຈູງຫາຍ ກ່ຽວກັບບາງຮູບການຮ່ວມມືໃນຂົງເຂດນີ້, ພິເສດແມ່ນໃນເລື່ອງ ຫວຽດນາມ ແລະ ອັງກິດ ພ້ອມກັນກະກຽມເນື້ອໃນເຂົ້າຮ່ວມກອງປະຊຸມ COP21 ເຊິ່ງຈະດຳເນີນໃນທ້າຍເດືອນ 11/2015 ຢູ່ ປະເທດ ຝຣັ່ງ.