(ພາບ: nguyentandung.biz)
(vovworld)- ຄະນະຜູ້ແທນກະຊວງປ້ອງກັນປະເທດຫວຽດນາມ ໂດຍທ່ານພົນໂທຫງວຽນຈິວິ້ງ ຮອງລັດຖະມົນຕີກະຊວງປ້ອງກັນປະເທດຫວຽດນາມ ນຳໜ້າ ໄດ້ໄປສິງກະໂປ ເຂົ້າຮ່ວມກອງປະຊຸມປ້ອງກັນຄວາມສະຫງົບອາຊີ (ຫຼືເອື້ນວ່າການໂອ້ລົມສົນທະນາ Shangri La) ຄັ້ງທີ 12. ໃນໄລຍະຢູ່ຢ້ຽມຢາມສິງກະໂປ ແຕ່ວັນທີ 30/5-2/6, ນອກຈາກການເຂົ້າຮ່ວມວາລະໄຂ ແລະ ວາລະປະຊຸມຄົບຄະນະຄັ້ງຕ່າງໆທີ່ໄດ້ຈັດຂຶ້ນໃນຂອບເຂດການໂອ້ລົມສົນທະນາ Shangri La ຄັ້ງທີ 12 ແລ້ວ, ທ່ານພົນໂທຫງວຽນຈິວິ້ງ ຈະເຂົ້າຮ່ວມບັນດາການເຄື່ອນໄຫວຂອງທ່ານນາຍົກລັດ ຖະມົນຕີຫວຽດນາມ ຫງວຽນເຕີນຢຸງ ລວມມີການພົບປະກັບທ່ານນາຍົກລັດ ຖະມົນຕີສິງກະໂປ ຫຼີຊຽນຫຼົງ, ເຂົ້າຢ້ຽມຂ່ຳນັບປະທານາທິບໍດີ Tony Tan ແລະ ເຮັດວຽກກັບວິສາຫະກິດຂະໜາດໃຫ່ຍຈຳນວນໜຶ່ງຂອງສິງກະໂປ. ໃນຕອນຄ່ຳຂອງວັນທີ 31/5, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ຈະກ່າວປາໄສທີ່ວາລະໄຂການໂອ້ລົມສົນທະນາ Shangri La ແລະ ຄາດວ່າທ່ານຮອງລັດຖະມົນຕີກະຊວງປ້ອງກັນປະເທດຫວຽດນາມ ຫງວຽນຈິວິ້ງ ຈະກ່າວປາໄສທີ່ວາລະປະຊຸມຄົບຄະນະໃນຕອນເຊົ້າວັນທີ 2/6, ພົບປະກັບທ່ານລັດຖະມົນຕີກະຊວງປ້ອງກັນປະເທດມາເລເຊຍ, ນີວຊີແລນ, ອົດສະຕາລີ ແລະ ຝະລັ່ງ, ພົບປະກັບຮອງລັດຖະມົນຕີກະຊວງປ້ອງກັນປະເທດສິງກະໂປ, ບຣູໄນ, ລັດເຊຍ, ສເກົາຫຼີ ແລະ ຜູ້ບັນຊາການກອງບັນຊາການປາຊີຟິກຂອງອາເມລິກາ.