ຫວຽດນາມເຂົ້າຮ່ວມກອງປະຊຸມShangri-La2015ຢ່າງຕັ້ງໜ້າ
(ການພົບປະລະຫວ່າງຄະະຜູ້ແທນຫວຽດນາມ - ຈີນ)
(vovworld) - ຕອນບ່າຍວັນທີ 30/05, ພົນໂທ ຫງວຽນຈິວິ້ງ, ກຳມະການສູນກາງພັກ, ລັດຖະມົນຕີຊ່ວຍວ່າການກະຊວງປ້ອງກັນປະເທດຫວຽດນາມ, ໄດ້ຕອບສຳພາດຕໍ່ສຳນັກຂ່າວສານຫວຽດນາມ ຢູ່ນອກກອງປະຊຸມ Shangri-La ຄັ້ງທີ 14, ຖືກດຳເນີນໄປໃນວັນທີ 29 – 31/05, ຢູ່ສິ່ງກະໂປ, ຢືນຢັນວ່າ, ຄະນະຜູ້ແທນຫວຽດນາມ ໄດ້ເຂົ້າຮ່ວມກອງປະຊຸມ Shangri-La ຢ່າງຕັ້ງໜ້າ. ຄະນະຜູ້ແທນໄດ້ມີບັນດາການພົບປະ 2 ຝ່າຍຢູ່ນອກກອງປະຊຸມ ເພື່ອແນໃສ່ແລກປ່ຽນຄຳເຫັນກ່ຽວກັບບັນຫາພວມພົ້ນເດັ່ນຂຶ້ນຄື: ການກໍ່ສ້າງພັດທະນາ, ບັນຫາຍຸດທະສາດ ແລະ ການແຊກແຊງຂອງບັນດາປະເທດມະຫາອຳນາດ, ບັນຫາທະເລຕາເວັນອອກ. ທີ່ບັນດາການພົບປະ, ຄະນະຜູ້ແທນຫວຽດນາມ ໄດ້ສຸມໃສ່ຊຸກຍູ້ການຮ່ວມມື 2 ຝ່າຍ, ປຶກສາຫາລືກ່ຽວກັບມາດຕະການລະອຽດເພື່ອເພີ່ມທະວີການຮ່ວມມືກັບປະເທດຕ່າງໆ. ກ່ຽວຂ້ອງເຖິງບັນຫາທະເລຕາເວັນອອກ, ຄະນະຜູ້ແທນຫວຽດນາມ ໄດ້ເຕື້ອງເຖິງຢ່າງກົງໄປກົງມາ, ຊື່ຕົງ, ບົນຈິດໃຈສ້າງສາກັບຄະນະຜູ້ແທນຂອງຈີນ ແລະ ຄະນະຜູ້ແທນຂອງບັນດາປະເທດອື່ນ ກ່ຽວກັບຄວາມວິຕົກກັງວົນຂອງຫວຽດນາມ ທີ່ກ່ຽວຂ້ອງເຖິງບັນຫາທະເລຕາເວັນອອກ. ຄະນະຜູ້ແທນຫວຽດນາມ ກໍ່ຍົກອອກບັນດາຂໍ້ສະເໜີມີລັກສະນະກໍ່ສ້າງ, ບົນພື້ນຖານການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງຫວຽດນາມ - ຈີນ, ກ່ອນອື່ນໝົດແມ່ນບໍ່ປະໃຫ້ເກີດຄວາມເຄັ່ງຕຶງ ແລະ ການປະທະກັນຢ່າງເດັດຂາດ. ຫຼັງຈາກນັ້ນ, 2 ຝ່າຍຊອຫາມາດຕະການແກ້ໄຂເພື່ອຮ່ວມມືໃນບັນດາເຂດທີ່ໄດ້ກຳນົດເຊິ່ງ 2 ຝ່າຍໄດ້ເປັນເອກະພາບນຳກັນແລ້ວຄື: ການລາດຕາເວນຮ່ວມ, ການຮ່ວມມືດ້ານຕຳຫຼວດທະເລ, ຈັດຕັ້ງການກູ້ໄພຫູ້ຊີບ… ຄະນະຜູ້ແທນຫວຽດນາມ ຢືນຢັນວ່າ, ທັດສະນະກ່ຽວກັບບັນຫາທະເລຕາເວັນອອກ ຕ້ອງໄດ້ຮັບການແກ້ໄຂໂດຍອີງໃສ່ກົດໝາຍສາກົນ.