(vovworld) – ດຶງດູດການລົງທຶນໂດຍກົງຈາກຕ່າງປະເທດ (FDI) ແມ່ນການເຄື່ອນໄຫວເສດຖະກິດກັບຕ່າງປະເທດທີ່ສຳຄັນຂອງຫວຽດນາມ. ບໍ່ພຽງແຕ່ມີຄວາມສະດວກຫຼາຍຢ່າງ ແລະ ສະພາບແວດລ້ອມແຫ່ງການລົງທຶນດູດດື່ມເທົ່ານັ້ນ, ຫວຽດນາມ ຍັງພວມມານະພະຍາຍາມສືບຕໍ່ໄດ້ຮັບຜົນສຳເລັດໃນການດຶງດູດ FDI ດ້ວຍຄຳໝັ້ນສັນຍາປັບປຸງສະພາບແວດລ້ອມແຫ່ງການລົງທຶນ, ດຳເນີນທຸລະກິດ. ຫວຽດນາມ ຖືພາກສ່ວນວິສາຫະກິດທີ່ມີເງິນລົງທຶນຂອງຕ່າງປະເທດແມ່ນພາກສ່ວນສຳຄັນໃນພື້ນຖານເສດຖະກິດ, ພ້ອມທັງຖື FDI ແມ່ນປັດໄຈຕັດສິນເພື່ອສ້າງໂຄງປະກອບພື້ນຖານເສດຖະກິດ ແລະ ເພີ່ມກຳລັງແກງແຍ້ງແຫ່ງຊາດ. ດ້ວຍຫົວຂໍ້ວ່າ “ຫວຽດນາມ - ຈຸດນັດພົບຂອງບັນດານັກລົງທຶນ”, ບົດຂຽນຂອງທ່ານນາຍົກລັດຖະມົນຕີ ຫງວຽນເຕີນຢູ້ງ ໃນແວບໄຊຂອງເວທີປາໄສເສດຖະກິດໂລກ, ໃຫ້ຮູ້ວ່າ: ຮອດເດືອນ 4/2014, ຍອດໂຄງການ FDI ຍັງມີຜົນສັດສິດຢູ່ຫວຽດນາມແມ່ນ 16.300 ໂຄງການ, ດ້ວຍຍອດເງິນລົງທຶນປະມານ 238 ຕື້ USD. ມີປະມານ 100 ປະເທດ ແລະ ເຂດແຄ້ວນມີບັນດາໂຄງການລົງທຶນຢູ່ ຫວຽດນາມ, ແລະ ກ່ວາ 100 ກຸ່ມບໍລິສັດນາໆຊາດອັນດັບໜຶ່ງຂອງໂລກມີໜ້າຢູ່ ຫວຽດນາມ. ບັນດາຕົວເລກດັ່ງກ່າວໄດ້ພິສູດໃຫ້ເຫັນວ່າ ຫວຽດນາມ ໄດ້ ແລະ ພວມກາຍເປັນຈຸດນັດພົບທີ່ດູດດື່ມສຳລັບບັນດານັກລົງທຶນຕ່າງປະເທດ. ເພື່ອອະທິບາຍກ່ຽວກັບຜົນສຳເລັດໃນການດຶງດູດ FDI, ທ່ານນາຍົກລັດຖະມົນຕີ ຫງວຽນເຕີນຢູ້ງ ເນັ້ນໜັກວ່າ: ທີໜຶ່ງແມ່ນ, ຍາມໃດ ຫວຽດນາມ ກໍ່ແມ່ນປະເທດທີ່ມີສະຖຽນລະພາບດ້ານການເມືອງ - ສັງຄົມ ທັງແມ່ນໜຶ່ງມນບັນດາພື້ນຖານເສດຖະກິດເຕີບໂຕທີ່ຂະຫຍັນຂັນເຄື່ອນ... ທີ 2 ແມ່ນ ຫວຽດນາມ ມີກຳລັງຄົນງານອຸດົມສົມບູນ, ມີທີ່ຕັ້ງພູມສາດສະດວກ... ທີ 3 ແມ່ນ, ລັດຖະບານ ຫວຽດນາມ ຍາມໃດກໍ່ໃຫ້ຄຳໝັ້ນສັນຍາ ສ້າງສະພາບແວດລ້ອມແຫ່ງການລົງທຶນສະດວກສະບາຍ ແລະ ສະເໜີພາບໃຫ້ບັນດານັກລົງທຶນຕ່າງປະເທດ ກໍ່ຄືປັບປຸງກອບກົດໝາຍ ແລະ ລະບອບຮັບໃຊ້ບັນດາການເຄື່ອນໄຫວດຳເນີນທຸລະກິດ ແລະ ລົງທຶນຢ່າງບໍ່ຢຸດຢັ້ງ.