ກອງປະຊຸມການທູດຄັ້ງທີ 29 ທີ່ພວມດຳເນີນຢູ່ ຮ່າໂນ້ຍ
(ພາບ: ຫງວຽນຄາງ)
(vovworld) - ຫວຽດນາມໄດ້ປະຕິບັດສຳເລັດ 90% ວຽກງານກະກຽມເນື້ອໃນໃຫ້ປີ APEC 2017. ນີ້ແມ່ນຄຳຢືນຢັນຂອງທ່ານນາງ ຫງວຽນຫງວຽດງາ, ຫົວໜ້າກົມຮັບຜິດຊອບພາກສ່ວນປະຈຳການຄະນະເລຂາ APEC ຫວຽດນາມ 2017, ຢູ່ນອກກອງປະຊຸມການທູດຄັ້ງທີ 29 ທີ່ພວມດຳເນີນຢູ່ ຮ່າໂນ້ຍ.
ດ້ວຍກອງປະຊຸມໃຫຍ່, ນ້ອຍ 200 ຄັ້ງ, ໃນນັ້ນມີກອງປະຊຸມຂັ້ນລັດຖະມົນຕີຂຶ້ນໄປແມ່ນ 20 ຄັ້ງ ແລະ ໜຶ່ງສັບປະດາຂັ້ນສູງ, APEC 2017 ແມ່ນການເຄື່ອນໄຫວການຕ່າງປະເທດຈຸດສຸມຂອງ ຫວຽດນາມໃນໄລຍະພັດທະນາໃໝ່. ນັບແຕ່ຮັບໜ້າທີ່ເປັນເຈົ້າພາບຈັດຕັ້ງກອງປະຊຸມເມື່ອປີ 2013, ຫວຽດນາມໄດ້ຜັນຂະຫຍາຍວຽກງານກະກຽມຢ່າງໄວ, ດ້ວຍການສ້າງຕັ້ງກຸ່ມປະຕິບັດງານລະຫວ່າງຂະແໜງ ແລະ ຄະນະກຳມະການແຫ່ງຊາດຊີ້ນຳວຽກງານກະກຽມໃຫ້ປີ APEC 2017 ໂດຍກົງ. ທ່ານນາງ ຫງວຽນຫງວຽດງາ, ໃຫ້ຮູ້ວ່າ:
“ປະຈຸບັນພວກເຮົາໄດ້ປະຕິບັດສຳເລັດ 90% ວຽກງານກະກຽມເນື້ອໃນໃຫ້ປີ APEC 2017 ແລະ ປະຈຸບັນພວກເຮົາສືບຕໍ່ທາບທາມຄວາມເຫັນເພື່ອປະຕິບັດໃຫ້ສຳເລັດ ແລະ ຈະແຈ້ງຢ່າງເປັນທາງການຢູ່ກອງປະຊຸມຂັ້ນສູງທີ່ ເປຣູ ໃນເດືອນ 11 ປີນີ້. ກ່ຽວກັບວຽກງານວັດຖຸ ພາລະກອນ, ກໍ່ຕ້ອງສຳເລັດປະມານ 70% ໃນປີນີ້. ປີ 2017 ຈະແມ່ນປີຮັບຜິດຊອບໜ້າທີ່ພິເສດ, ທັງແມ່ນກາລະໂອກາດໃຫຍ່ໃຫ້ແກ່ການເຊື່ອມໂຍງຂອງ ຫວຽດນາມ. ແລະ ພວກເຮົາຫວັງວ່າ, ດ້ວຍວຽກງານກະກຽມ APEC 2017 ຢ່າງລອບຄອບຖີ່ຖ້ວນ, ຈະສ້າງການກະທົບໃຫ້ ຫວຽດນາມໃນບັນຫາພັດທະນາ, ເພີ່ມການພົວພັນຄູ່ຮ່ວມມື, ດຶງດູດກຳລັງໜູນ,, ພ້ອມທັງໂຄສະນາກຳລັງແຮງຂອງ ຫວຽດນາມ ຕື່ມອີກ“