ທ່ານດິງເທ໋ຮິງເຮັດວຽກກັບຄະນະປະຈຳພັກແຂວງເຊີນລາ
(vovworld) – ວັນທີ 13/11, ຄະນະປະຕິບັດງານຂອງອະນຸກຳມະການເອກະສານກອງປະຊຸມໃຫຍ່ຄັ້ງທີ 12 ຂອງພັກໂດຍທ່ານ ດິງເທ໋ຮິງ, ຫົວໜ້າຄະນະໂຄສະນາສຶກສາສູນກາງພັກ, ຮອງຫົວໜ້າອະນຸກຳມະການຜູ້ປະຈຳການອະນຸກຳມະການເອກະສານນຳໜ້າ, ເຮັດວຽກກັບຄະນະປະຈຳພັກແຂວງ ເຊີນລາ ກ່ຽວກັບສະພາບການປະຕິບັດໜ້າທີ່ພັດທະນາເສດຖະກິດ - ສັງຄົມ, ວັດທະນະທຳ, ປ້ອງກັນຊາດ, ປ້ອງກັນຄວາມສະຫງົບ ແລະ ວຽກງານກໍ່ສ້າງພັກ, ສ້າງລະບົບການເມືອງຂອງອົງຄະນະພັກໃນອາຍຸການ 2010 – 2015.
ເມື່ອສະຫລຸບກອງປະຊຸມ, ທ່ານ ດິງເທ໋ຮິງ ຍ້ອງຍໍຊົມເຊີຍບັນດາຜົນງານແຫ່ງການພັດທະນາກ່ຽວກັບເສດຖະກິດ - ສັງຄົມ, ວັດທະນະທຳ, ປ້ອງກັນຊາດ, ປ້ອງກັນຄວາມສະຫງົບ, ເປີດກ້ວາງການເຄື່ອນໄຫວຕ່າງປະເທດ, ບັນດາໝາກຜົນຂອງວຽກງານກໍ່ສ້າງພັກ, ສ້າງລະບົບການເມືອງເຊິ່ງອົງຄະນະພັກ, ອຳນາດການປົກຄອງ ແລະ ປະຊາຊົນແຂວງ ເຊີນລາ ບັນລຸໄດ້ໃນຊຸມປີຜ່ານມາ. ທ່ານ ດິງເທ໋ຮິງ ສະເໜີໃຫ້ຄະນະພັກແຂວງ ເຊີລາ ສຸມໃສ່ຊີ້ນຳ, ນຳພາປະຕິບັດສຳເລັດໜ້າທີ່ພັດທະນາເສດຖະກິດ - ສັງຄົມໃນໄລຍະຍັງເຫຼືອຂອງອາຍຸການ, ປະຕິບັດບັນດາຈຸດໝາຍ, ໜ້າທີ່ເຊິ່ງກອງປະຊຸມໃຫຍ່ອົງຄະນະພັກແຂວງຄັ້ງທີ 13 ໄດ້ວາງອອກ, ເສີມຂະຫຍາຍຄວາມສາມາດບົ່ມຊ້ອນ, ທ່າແຮງຂອງທ້ອງຖີ່ນ, ຫັນປ່ຽນໂຄງປະກອບເສດຖະກິດ, ໂຄງປະກອບການຜະລິດກະສິກຳຢ່າງແຮງ, ປະກອບສ່ວນປະຕິບັດມະຕິຂອງກອງປະຊຸມໃຫຍ່ຄັ້ງທີ 11 ຂອງພັກກອມມູນິດ ຫວຽດນາມ ຢ່າງມີໄຊ.