(vovworld) - ບົດກ່າວປາໄສຂອງທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ທີ່ກອງປະຊຸມ Shangri – La 12 ດ້ວຍສານກ່ຽວກັບການສ້າງຄວາມໄວ້ເນື້ອເຊື່ອໃຈຍຸດທະສາດເພື່ອສັນຕິພາບ, ວັດຖະນາຖາວອນຂອງພາກພື້ນອາຊີ - ປາຊີຝີກ ສືບຕໍ່ໄດ້ຮັບການຕີລາຄາຢ່າງຕັ້ງໜ້າຈາກຫາງສຽງສາກົນ. ຄຳຄິດຄຳເຫັນສ່ວນຫຼາຍຖືວ່າ, ບົດກ່າວປາໄສຂອງທ່ານນາຍົກລັດຖະມົນຕີຫວຽດນາມ ແມ່ນການຕີລາຄາມາດຕະການຕ່າງໆເພື່ອແກ້ໄຂບັນດາບັນຫາຂອງໂລກ ກໍຄືໃນພາກພື້ນອາຊີ - ປາຊີຝີກ ຢ່າງທັນການ, ຖືກຕ້ອງ ແລະ ຍຸດຕິທຳ. ສາດສະດາຈານ Kanti Bajpai ມາຈາກໂຮງຮຽນນະໂຍບາຍຂອງລັດ ຫຼີກວາງເຢົາ ປະເທດສິງກະໂປ, ຖືວ່າ ບົດກ່າວປາໄສໄດ້ຍົກອອກທັດສະນະ ແລະ ຄວາມໄວ້ເນື້ອເຊື່ອໃຈຍຸດທະສາດ ແລະ ຊີ້ອອກທາດແທ້ຂອງການປະທະກັນ, ຄວາມບໍ່ລົງລອຍກັນໃນພາກພື້ນຢ່າງຕັ້ງໜ້າ. ພົນຈັດຕະວາ Saiful Anwar ສັງກັດກະຊອງປ້ອງກັນປະເທດອິນໂດເນເຊຍ ເນັ້ນໜັກວ່າ ຜູ້ແທນເຂົ້າຮ່ວມສ່ວນຫຼາຍລ້ວນແຕ່ມີຄວາມເພິງພໍໃຈຕໍ່ບົດກ່າວປາໄສຂອງທ່ານນາຍຍົກລັດຖະມົນຕີຫວຽດນາມ. ທ່ານນາຍົກລັດຖະມົນຕີຫວຽດນາມ ໄດ້ອະທິບາຍບາງຄຸນຄ່າຄືການສ້າງຄວາມໄວ້ເນື້ອເຊື່ອໃຈຍຸດທະສາດ, ກ່ຽວກັບການຮ່ວມມື, ບົດບາດຂອງອາຊຽນ ໃນເລື່ອງຮັກສາສັນຕິພາບ ແລະ ຄວາມໝັ້ນຄົງໃນພາກພື້ນເປັນຢ່າງດີ. ທ່ານນາຍົກລັດຖະມົນຕີ ຫວຽດນາມ ໄດ້ເຕື້ອງເຖິງບົດບາດຂອງ 2 ປະເທດມະຫາອຳນາດແມ່ນຈີນ ແລະ ອາເມລິກາ, ຖືວ່າ ເລື່ອງປະຕິບັດບົດບາດຂອງ 2 ປະເທດທະຫາອຳນາດຢ່າງມີຄວາມຮັບຜິດຊອບຈະມີປະໂຫຍດໃຫ້ທັງ 2 ປະເທດນີ້ ແລະ ທົ່ວພາກພື້ນ.
ໃນຂະນະນັ້ນ, ໜັງສືພິມ Jakarta Post ຂອງອິນໂດເນເຊຍ ໄດ້ລົງພິມສານຂອງທ່ານນາຍົກລັດຖະມົນຕີຫວຽດນາມ ທີ່ວ່າ, ອາຊຽນ ຕ້ອງສ້າງ ແລະ ປັບປຸງຄວາມໄວ້ເນື້ອເຊື່ອໃຈຍຸດທະສາດຢ່າງວ່ອງໄວເພື່ອສັນຕິພາບ, ວັດທະນາຖາວອນ ແລະ ການຮ່ວມມືໃນພາກພື້ນ.