ອັດກອງປະຊຸມShangri–Laຄັ້ງທີ13
ພົນເອກ ຟູ່ງກວາງແທງ ແລະ ຄູ່ຕຳແໜ່ງ ຍີ່ປຸ່ນ ທ່ານ Itsunori Onodera
(ພາບ: Kyodo/TTXVN)
(vovworld) - ກອງປະຊຸມ Shangri – La ຄັ້ງທີ 13 ຖືກອັດລົງໃນຕອນບ່າຍວັນທີ 1/6, ພາຍຫຼັງຈັດກອງປະຊຸມມາເປັນເວລາ 3 ວັນດ້ວຍວາລະປຶກສາຫາລືລວມ 5 ຄັ້ງກ່ຽວກັບບັນດາຫົວຂໍ້ກ່ຽວຂ້ອງເຖິງຄວາມສະຫງົບໃນພາກພື້ນ ອາຊີ - ປາຊີຟິກ. ຫົວຂໍ້ທີ່ໄດ້ຮັບຄວາມເອົາໃຈໃສ່ທີ່ສຸດນັ້ນແມ່ນການຜັນແປໃນມໍ່ໆມານີ້, ຈີນ ໄດ້ຕັ້ງຮ້ານເຈາະນ້ຳມັນ ໄຮຢາງ - 981 ຢູ່ເຂດເສດຖະກິດຈຳເພາະ ແລະ ເຂດໄຫຼ່ທະວີບຂອງ ຫວຽດນາມ. ຜູ້ແທນເຂົ້າຮ່ວມສ່ວນຫຼາຍລ້ວນແຕ່ສະແດງຄວາມວິຕົກວັງວົນ, ຢືນຢັນນີ້ແມ່ນບັນດາການກະທຳກໍ່ຄວາມເຄັ່ງຕຶງໃນພາກພື້ນ.
ທີ່ວາລະປຶກສາຫາລືຄັ້ງທີ 4, ເຊິ່ງຈັດຂຶ້ນໃນຕອນເຊົ້າວັນທີ 1/6 ດ້ວຍຫົວຂໍ້ວ່າ “ທັດສະນະຂອງບັນດາປະເທດມະຫາອຳນາດ ກ່ຽວກັບສັນຕິພາບ ແລະ ຄວາມສະຫງົບຢູ່ ອາຊີ - ປາຊີຟິກ”, ຮອງເສນາທິການໃຫຍ່ກອງທັບປົດປ່ອຍປະຊາຊົນ ຈີນ ຫວາງແຈ໋ວນຈູງ, ຫົວໜ້າຄະນະຜູ້ແທນ ຈີນ ຢືນຢັນວ່າ: ຈີນ ສະໜັບສະໜູນການຮ່ວມມື, ໂອ້ລົມສົນທະນາ, ເພີ່ມທະວີຄວາມໄວ້ເນຶ້ອເຊື່ອໃຈຍຸດທະສາດລະຫວ່າງບັນດາປະເທດ, ໃຫ້ຄຳໝັ້ນສັນຍາແກ້ໄຂບັນດາການຂັດແຍ້ງກ່ຽວກັບອະທິປະໄຕຜືນແຜ່ນດິນ, ດ້ວຍບັນດາສິດກ່ຽວຂ້ອງເຖິງທະເລ. ຈີນ ຈະສືບຕໍ່ຮ່ວມມືກັບ ອາເມລິກາ, ລັດເຊຍ, ອິນເດຍ ແລະ ບັນດາປະເທດໃຫຍ່ໃນພາກພື້ນ ອາຊີ - ປາຊິຟິກ ເພື່ອແນໃສ່ຮັກສາຄວາມສະຫງົບ ແລະ ຊຸກຍູ້ຄວາມວັດທະນາຖາວອນໃນພາກພື້ນ. ກໍ່ຢູ່ວາລະປຶກສາຫາລື, ທ່ານຮອງລັດຖະມົນຕີກະຊວງປ້ອງກັນປະເທດ ລັດເຊຍ Anatoly Antonov ຢືນຢັນຈຸດໝາຍຕົ້ນຕໍ່ຂອງ ລັດເຊຍ ແມ່ນຮັບປະກັນສັນຕິພາບ ແລະ ຄວາມສະຫງົບໃນພາກພື້ນ ອາຊີ - ປາຊີຟິກ, ທີ່ເຄີຍມີຄວາມໝາຍເປັນຕາຍໃຫ້ແກ່ການພັດທະນາເສດຖະກິດແບບຍືນຍົງ ແລະ ຄວາມວັດທະນາຖາວອນຂອງບັນດາປະເທດ. ທີ່ວາລະປະຊຸມຄັ້ງນີ້, ບັນດານັກຮຽນຮູ້ທີ່ມາຈາກຫຼາຍປະເທດໃນໂລກ ກໍ່ສຸມໃສ່ຮຽກຮ້ອງໃຫ້ທ່ານ ຫວາງແຈ໋ວນຈູງ ອະທິບາຍ ກ່ຽວກັບອັນທີ່ເອີ້ນວ່າ “ເສັ້ນລີ້ນງົວ 9 ຕອນ” ຂອງ ຈີນ ຢູ່ທະເລຕາເວັນອອກ. ທ່ານ ຫວາງແຈ໋ວນຈູງ ໃຫ້ຮູ້ວ່າ: ຈີນ ກະກຽມ “ເຈລະຈາໂດຍກົງ” ກັບແຕ່ລະປະເທດກ່ຽວຂ້ອງ.