ອັດກອງປະຊຸມລັດຖະມົນ ຕີການຄ້າອາເປັກຄັ້ງທີ 20
(ພາບ: baomoi.com)
(vovworld)- ພາຍລັງດຳເນີນການເຮັດວຽກມາເປັນເວລາ 2 ມື້, ກອງປະຊຸມລັດຖະມົນຕີຮັບຜິດຊອບດ້ານການຄ້າອາເປັກ ຄັ້ງທີ 20 ຊື່ງຈັດຂຶ້ນຢູ່ນະຄອນຈິງຕາວ ປະເທດຈີນ ໄດ້ອັດລົງ. ກອງປະຊຸມໄດ້ຮັບຮອງເອົາຖະແຫຼງການຂອງລັດຖະມົນຕີການຄ້າອາເປັກ, ສະໜັບສະໜູນວິວັດທະນາການເຈລະຈາການຄ້າຫຼາຍຝ່າຍ; ເປັນເອກະພາບກ່ຽວກັບການສ້າງຂັ້ນຕອນກ້າວໄປເຖິງການສ້າງເຂດການຄ້າເສລີອາຊີ-ປາຊີຟິກ….ຄະນະຜູ້ແທນຫວຽດນາມ ໂດຍທ່ານຫວູ້ຮຸຍຮ່ວາງ, ລັດຖະມົນຕີກະຊວງການຄ້າຫວຽດນາມ ນຳໜ້າໄດ້ປະກອບສ່ວນຢ່າງຕັ້ງໜ້າເຂົ້າໃນຜົນສຳເລັດລວມຂອງກອງປະຊຸມ, ທ່ານລັດຖະມົນຕີ ຫວູ້ຮຸຍຮ່ວາງ ໃຫ້ຮູ້ວ່າ:
“ຄະນະຜູ້ແທນຫວຽດນາມ ໄດ້ເຂົ້າຮ່ວມຢ່າງຕັ້ງໜ້າ ແລະ ເປັນເຈົ້າການຢ່າງສູງສຸດ, ໄດ້ປະກອບຫຼາຍຄຳເຫັນເຂົ້າໃນໂຄງການດຳເນີນງານຂອງກອງປະຊຸມ, ພິເສດ, ຫວຽດນາມ ໄດ້ເຂົ້າຮ່ວມຢ່າງຕັ້ງໜ້າ ໃນການອອກຖະແຫຼງການຮ່ວມຂອງກອງປະຊຸມ. ໃນຖະແຫຼງການຮ່ວມ, ຫວຽດນາມ ໄດ້ປະກອບສ່ວນບັນດາມາດຕະການເພື່ອປະຕິບັດການລົບລ້າງຮົ້ວກີດຂວາງດ້ານການຄ້າທີ່ບໍ່ເໝາະສົມ ໂດຍສະມາຊິກອາເປັກ ຈຳນວນໜຶ່ງຍົກອອກມາ, ປະກອບສ່ວນສ້າງເງື່ອນໄຂໃຫ້ສິນຄ້າຖຶກຈໍລະຈອນຢ່າງສະດວກສະບາຍລະຫວ່າງບັນດາສະມາຊິກຂອງອາເປັກ “./.