(ພາບ:baomoi.com)
(vovworld)- ຕອນບ່າຍວັນທີ 16/5, ວາລະປະຊຸມຄັ້ງທີ 18, ຄະນະປະຈຳສະພາແຫ່ງຊາດ ຫວຽດນາມ ໄດ້ອັດລົງຢູ່ຮ່າໂນ້ຍ, ໃນວາລະອັດກອງປະຊຸມ, ຄະນະປະຈຳສະພາແຫ່ງຊາດ ໄດ້ຮັບຟັງການລາຍງານກ່ຽວກັບສະພາບການກະກຽມເອົາບັດໄວ້ວາງໃຈ, ປ່ອນບັດໄວ້ວາງໃຈທີ່ກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຊຸດທີ 13 ແລະ ໃຫ້ຄຳເຫັນກ່ຽວກັບຮ່າງລັດຖະທຳມະນູນປີ 1992 ສະບັບປັບປຸງ. ຫຼາຍເນື້ອໃນສຳຄັນໄດ້ຮັບການປຶກສາຫາລືໃຫ້ຄຳເຫັນໃນວາລະປະຊຸມຄັ້ງນີ້. ໃນຕອນເຊົ້າຂອງວັນດຽວກັນ, ຄະນະປະຈຳສະພາແຫ່ງຊາດ ຫວຽດນາມື ຮັບຟັງການລາຍງານກ່ຽວກັບການສ້າງຊ່ອງໂທລະພາບ ສະພາແຫ່ງຊາດ. ພາຍຫຼັງຮັບຟັງໃບຍື່ນສະເໜີ ແລະ ການລາຍງານຂອງບັນດາຄະນະ, ຂະແໜງການທີ່ກ່ຽວຂ້ອງ, ທ່ານປະທານສະພາແຫ່ງຊາດຫງວຽນຊິງຮຸ່ງ ຕົກລົງມອບໃຫ້ວິທະຍຸກະຈາຍສຽງຫວຽດນາມ ສົມທົບກັບຫ້ອງວ່າການສະພາແຫ່ງຊາດນຳຊ່ອງໂທລະພາບ ສະພາແຫ່ງຊາດເຂົ້າເຄື່ອນໄຫວ:
“ຕ້ອງຈັດຕັ້ງການສ່ອງແສງການເຄື່ອນໄຫວຂອງສະພາແຫ່ງຊາດ ແລະ ສະພາປະຊາຊົນຂັ້ນຕ່າງໆໃຫ້ເປັນຢ່າງດີ. ວິທະຍຸກະຈາຍສຽງຫວຽດນາມເປັນເຈົ້າຂອງ, ຫ້ອງວ່າການສະພາແຫ່ງຊາດເປັນຫົວໜ່ວຍຄຸ້ມຄອງໂດຍກົງຊ່ອງໂທລະພາບສະພາແຫ່ງຊາດ ຫ້ອງວ່າການສະພາແຫ່ງຊາດມີໜ້າທີ່ຕິດຕາມກວດກາ, ຄຸ້ມຄອງ, ສະໜອງຂໍ້ມູນຂ່າວສານ. ຕ້ອງກະກຽມຢ່າງລອບຄອບຖີ່ຖ້ວນ, ຮີບດ່ວນ ແຕ່ມີຄຸນນະພາບ, ກະກຽມຢ່າງລະອຽດກ່ອນທີ່ຈະອອກອາກາດ“
ທ່ານປະທານສະພາແຫ່ງຊາດຫງວຽນຊິງຮຸ່ງ ໃສ່ໃຈວ່າ: ເຖິງວ່າ, ຊ່ອງໂທລະພາບສະພາແຫ່ງຊາດໄດ້ຮັບການສ້າງຕັ້ງຂຶ້ນ ແຕ່ບັນດາຊ່ອງໂທລະພາບສູນກາງ, ທ້ອງຖິ່ນຍັງຕ້ອງເພີ່ມເວລາອອກອາກາດການໂຄສະນາການເຄື່ອນໄຫວຕ່າງໆຂອງສະພາແຫ່ງຊາດ ແລະ ສະພາປະຊາຊົນຂັ້ນຕ່າງໆ.