(vovworld) - ວັນທີ 10/04, ທ່ານລັດຖະມົນຕີວ່າການກະຊວງການຕ່າງປະເທດອີຣານ Mohammad Javad Zarif ຖະແຫຼງວ່າ ປະເທດນີ້ຈະບໍ່ເຈລະຈາກ່ຽວກັບໂຄງການລູກສອນໄຟຂອງຕົນຍ້ອນວ່າ ນັ້ນແມ່ນບັນຫາປ້ອງກັນປະເທດ. ທ່ານ Javad Zarif ໄດ້ຍົກອອກຄຳແຫຼງດັ່ງກ່າວພາບຫຼັງທີ່ທ່ານລັດຖະມົນຕີວ່າການກະຊວງການຕ່າງປະເທດອາເມລິກາ John Kerry ຖະແຫຼງວ່າ, ອາເມລິກາ ກຽມພ້ອມການເຈລະຈາກັບອີຣານ ກ່ຽວກັບ “ຂໍ້ຕົກລົງໃໝ່” ເພື່ອແນໃສ່ແກ້ໄຂບັນດາບັນຫາກ່ຽວຂ້ອງເຖິງໂຄງການລູກສອນໄຟຂອງອີຣານ ໃນວັນທີ 07/04. ວໍຊິງຕັນ ເຄີຍຕຳໜິຕິຕຽນໂຄງການລູກສອນໄຟຂອງ ເຕເຮຣານ ເປັນປະຈຳ, ຖືນີ້ແມ່ນໄພນາບຂູ່ເຖິງສັນຕິພາບໃນພາກພື້ນ ແລະ ສາກົນ. ແຕ່ວ່າ, ອີຣານ ພັດຖະແຫຼງວ່າ ໂຄງການນີ້ແມ່ນເພື່ອຮັບໃຊ້ຈຸດໝາຍສັນຕິພາບ ແລະ ແມ່ນມາດຕະການອັນຊອບທຳເພື່ອຍົກສູງຄວາມສາມາດປ້ອງກັນ ແລະ ປົກປັກຮັກສາຄວາມສະຫງົບແຫ່ງຊາດ.