ທ່ານ ເວືອງດີງເຫວ້ ຮອງນາຍົກ
ລັດຖະມົນຕີ ເຮັດວຽກຢູ່ແຂວງ ລາວກາຍ
(ພາບ: ກາວເກືອງ)
(vovworld) – ວັນທີ 12/01 ຄະນະປະຕິບັດງານລັດຖະບານ ຫວຽດນາມ ໂດຍທ່ານ ເວືອງດີງເຫວ້ ຮອງນາຍົກລັດຖະມົນຕີ ມີການຢ້ຽມຢາມ ແລະ ເຮັດວຽກຢູ່ແຂວງ ລາວກາຍ. ກ່າວຄຳເຫັນທີ່ການເຮັດວຽກກັບການນຳຫຼັກແຫຼ່ງຂອງແຂວງ ລາວກາຍ, ທ່ານຮອງນາຍົກລັດຖະມົນຕີ ເວືອງດີງເຫວ້ ຕີລາຄາສູງບັນດາໝາກຜົນ ຊຶ່ງແຂວງ ລາວກາຍ ບັນລຸໄດ້ໃນປີ 2016. ທ່ານຮອງນາຍົກລັດຖະມົນຕີຖືວ່າ ທາງແຂວງໄດ້ຂຸດຄົ້ນເປັນຢ່າງດີ, ມີຈຸດສຸມກ່ຽວກັບບັນດາຄວາມສາມາດບົ່ມຊ້ອນ, ທ່າແຮງໃຫຍ່ຫລວງທີ່ສຸດ ພິເສດແມ່ນໃນຂົງເຂດການທ່ອງທ່ຽວ, ເສດຖະກິດດ່ານຊາຍແດນ, ອຸດສາຫະກຳຂຸດຄົ້ນບໍ່ແຮ່...ທ່ານຮອງນາຍົກລັດຖະມົນຕີ ສະເໜີວ່າ ໃນໄລຍະຈະມາເຖິງ ແຂວງ ລາວກາຍ ຄວນມີກົນໄກນະໂຍບາຍປຸກລະດົມແຫຼ່ງກຳລັງຫັນເປັນຂອງສັງຄົມ ເພື່ອເປີດກ້ວາງການພັດທະນາເຂດເສດຖະກິດດ່ານຊາຍແດນ. ທ່ານຮອງນາຍົກລັດຖະມົນຕີກໍ່ໃສ່ໃຈວ່າ ແຂວງ ລາວກາຍ ຄວນຊອກຫາບັນດານັກລົງທຶນມີຍຸດທະສາດ ເພື່ອປະຕິບັດບັນດາໂຄງການໃຫຍ່ ຄືພັດທະນາເຂດທ່ອງທ່ຽວ ຊາປາ, ສະໜາມບິນ ລາວກາຍ. ກ່ຽວກັບໂຄງການເສັ້ນທາງຄວາມໄວສູງ ໂນ້ຍບາຍ - ລາວກາຍ ໄປ ຊາປາ, ທ່ານຮອງນາຍົກລັດຖະມົນຕີ ເວືອງດີງເຫວ້ ມອບໃຫ້ກະຊວງການເງິນ ຄິດໄລ່ຊັ່ງຊາແຫຼ່ງທຶນສຳຮອງຈາກງົບປະມານສູນກາງ ເພື່ອປ່ອຍສິນເຊື່ອປະຕິບັດໂຄງການນີ້ໂດຍໄວ.