ທ່ານຮອງນາຍົກລັດຖະມົນຕີ ຫວູດຶກດາມ
(ພາບ: VGP)
(vovworld) - ຕອນຄຳ່ວັນທີ 9/9, ຢູ່ສະໜາມຫຼວງ ຫງວຽນເຕິດແທ່ງ, ນະຄອນ ຕວຽນກວາງ, ແຂວງ ຕວຽນກວາງ, ລາຍການທ່ອງທ່ຽວ “ບັນດາມໍລະດົກເຂດຫວຽດບັກ“ ແລະ ງານບຸນນະຄອນຕວຽນກວາງ ປີ 2016 ໄດ້ໄຂຂຶ້ນ, ດ້ວຍການເຂົ້າຮ່ວມຂອງທ່ານຮອງນາຍົກລັດຖະມົນຕີ ຫວູດຶກດາມ. ດ້ວຍຫົວຂໍ້ວ່າ “ສີສັນເຂດ ຫວຽດບັກ”. ລາຍການປີນີ້ໄດ້ຍ້ອງຍໍຄວາມງາມຂອງບ້ານເກີດເມືອງນອນ, ຂອງຊາວ ຫວຽດບັກ, ດ້ວຍການເຂົ້າຮ່ວມຂອງນັກສະແດງເກືອບ 700 ຄົນ. ກ່າວຄວາມເຫັນນະພິທີ, ທ່ານຮອງນາຍົກລັດຖະມົນຕີ ຫວູດຶກດາມ ຕີລາຄາສູງເລື່ອງ 6 ແຂວງໃນເຂດ ຫວຽດບັກ ໄດ້ມີຫົວຄິດປະດິດສ້າງ, ເປັນເຈົ້າການຮ່ວມສຳພັນ, ຮ່ວມມືເພື່ອພັດທະນາການທ່ອງທ່ຽວ. ຜ່ານ 7 ປີແຫ່ງການປະຕິບັດ, ລາຍການຮ່ວມມືພັດທະນາການທ່ອງທ່ຽວ“ບັນດາມໍລະດົກເຂດຫວຽດບັກ“ ໄດ້ບັນລຸຜົນງານຢ່າງຕັ້ງໜ້າ, ພິເສດແມ່ນບັນດາຜົນງານກ່ຽວກັບການຮ່ວມມືສົ່ງເສີມ, ໂຄສະນາລວມໃນການສ້າງຜະລິດຕະພັນການທ່ອງທ່ຽວ, ອັນໄດ້ດຶງດູດນັກທ່ອງທ່ຽວພາຍໃນ ແລະ ຕ່າງປະເທດມາຢ້ຽມຢາມເປັນຈຳນວນຫຼວງຫຼາຍ, ກໍ່ຄືໃນການບຳລຸງສ້າງຊັບພະຍາກອນມະນຸດດ້ານການທ່ອງທ່ຽວ, ດຶງດູດການລົງທຶນດ້ານພື້ນຖານວັດຖຸ, ເຕັກນິກທີ່ຮັບໃຊ້ໃຫ້ແກ່ການທ່ອງທ່ຽວ. ລາຍການທ່ອງທ່ຽວ “ບັນດາມໍລະດົກເຂດຫວຽດບັກ“ ແລະ ງານບຸນນະຄອນຕວຽນກວາງ ປີ 2016 ຈະແກ່ຍາວເຖິງວັນທີ 12/9.