(vovworld) - ຕອນຄ່ຳວັນທີ 25/03, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ເວື້ອງດິ່ງເຫ້ວ ພ້ອມກັບທ່ານເອກອັກຄະລັດຖະທູດອາເມລິກາ ປະຈຳຫວຽດນາມ Ted Osius ໄດ້ເຂົ້າຮ່ວມ Amcham Gala 2017 ໂດຍສະຫະສະມາຄົມການຄ້າອາເມລິກາ (Amcham) ຈັດຕັ້ງ. ຢູ່ທີ່ນີ້, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ຖືວ່າ, ນີ້ແມ່ນກາລະໂອກາດທີ່ດີເພື່ອໃຫ້ 2 ຝ່າຍທົບທວນຄືນບັນດາໝາກຜົນຮ່ວມມື, ລົງທຶນ ເພື່ອມຸ່ງໄປເຖິງອະນາຄົດອັນດີງາມກວ່າ. ທ່ານຮອງນາຍົກລັດຖະມົນຕີເນັ້ນໜັກວ່າ, ດ້ວຍເປົ້າໝາຍແມ່ນຊຸກຍູ້ດ້ານການຄ້າ - ການລົງທຶນ ແລະ ແມ່ນຂົວເຊື່ອມຕໍ່ລະຫວ່າງລັດຖະບານ, ວິສາຫະກິດ 2 ປະເທດ, ໃນໄລຍະຜ່ານມາ ສະຫະສະມາຄົມການຄ້າອາເມລິກາ ຢູ່ຫວຽດນາມ (Amcham) ໄດ້ມີການປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງການພົວພັນລະຫວ່າງ 2 ປະເທດ. ຜ່ານນັ້ນ, ປະກອບສ່ວນຊ່ວຍຫວຽດນາມ ເຊື່ອມໂຍງເຂົ້າກັບພື້ນຖານເສດຖະກິດໂລກກວ່າ. ທ່ານຮອງນາຍົກລັດຖະມົນຕີເຊື່ອໝັ້ນວ່າ, ດ້ວຍຄວາມຕັດສິນໃຈ ແລະ ການກະທຳປ່ຽນໃໝ່ຂອງພັກ, ລັດຫວຽດນາມ ໃນໄລຍະຜ່ານມາ, ຈະສ້າງສະພາບແວດລ້ອມແຫ່ງການດຳເນີນທຸລະກິດຢ່າງສະດວກໃຫ້ວິສາຫະກິດທຸກແຫ່ງ ໃນນັ້ນມີວິສາຫະກິດອາເມລິກາ.