ພາສີ ຫາຍຟ່ອງ ກວດກາສິນຄ້າ
(ພາບ: ແທງບີ່ງ/ສື່ເອເລັກໂຕນິກຫາຍກວານ)
(vovworld) – ຕອນເຊົ້າວັນທີ 21/6, ເມື່ອປະກອບຄຳເຫັນກ່ຽວກັບຮ່າງມະຕິຂອງນາຍົກລັດຖະມົນຕີ ທີ່ປະກາດໃຊ້ບັນຊີລາຍຊື່ສິນຄ້ານຳເຂົ້າຕ້ອງເຮັດລະບຽບການພາສີຢູ່ດ່ານຊາຍແດນ, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ຮຽກຮ້ອງໃຫ້ບັນດາກະຊວງ ຕີລາຄາລະດັບຄວາມຈຳເປັນຕ້ອງປະກາດໃຊ້ມະຕິດັ່ງກ່າວບົນຈິດໃຈປະຕິບັດກົດໝາຍ, ສ້າງເງື່ອນໄຂສະດວກສູງສຸດໃຫ້ວິສາຫະກິດ, ມີຄວາມເສລີດ້ານການຄ້າ ແລະ ຮັບປະກັນການປ້ອງກັນ, ຕ້ານການສໍ້ໂກງດ້ານການຄ້າຢ່າງມີປະສິດທິຜົນ. ທ່ານຮອງນາຍົກລັດຖະມົນຕີ ຢັ້ງຢືນວ່າ: ການປະຕິບັດກົດໝາຍໄດ້ຮັບຖືເປັນຕົ້ນຕໍ ແຕ່ຈິດໃຈແມ່ນຕ້ອງສ້າງເງື່ອນໄຂສະດວກໃຫ້ແກ່ວິສາຫະກິດ, ສ້າງຄວາມສະດວກໃຫ້ແກ່ດ້ານການຄ້າ, ພ້ອມທັງຕ້ອງຕອບສະໜອງບັນຫາຄວບຄຸມພາສີ ແລະ ການສໍ້ໂກງດ້ານການຄ້າ, ຄຸນນະພາບຄວາມປອດໄພສຸຂະອະນາໄມດ້ານອາຫານ, ການປ້ອງກັນຊາດປ້ອງກັນຄວາມສະຫງົບຂອງສິນຄ້ານຳເຂົ້ານີ້. ສຳລັບສິນຄ້າໃຊ້ສອຍນຳເຂົ້າ, ທ່ານຮອງນາຍົກລັດຖະມົນຕີ ເວືອງດິ່ງເຫ້ວ ຮຽກຮ້ອງໃຫ້ກະຊວງການເງິນ ໃສ່ໃຈປະເພດສິນຄ້າມີອັດຕາພາສີສູງ ບໍ່ໝາຍຄວາມວ່າຈະມີຄວາມສ່ຽງສູງກ່ຽວກັບດ້ານພາສີ ແລະ ອາກອນ, ບັນດາປະເພດສິນຄ້າທີ່ມີມູນຄ່າສູງແຕ່ອັດຕາພາສີຕຳ່ແຕ່ຖ້າຫາກການຄວບຄຸມບໍ່ດີມັນຈະ ກໍ່ໃຫ້ເກີດສະພາບພາສີຮົວໄຫລ.